राज्यात करोना रुग्णवाढीचा आलेख येतोय खाली; नवे रुग्ण, मृत्यू घटले

November 23, 2021 Marathi 0 Comments

मुंबई: राज्यात आज करोनाच्या (Coronavirus) दैनंदिन रुग्णसंख्येत मोठी घट झाली असून मृत्युसंख्याही कमी झाली आहे. याबरोबरच, आज निदान झालेल्या रुग्णांपेक्षा बरे होणाऱ्या रुग्णांची संख्या अधिक असून राज्यातील एकूण सक्रिय रुग्णांची संख्या ९ हजारांच्या खाली आल्याने राज्यात दिलासादायक चित्र आहे. राज्याच्या आरोग्य विभागाने दिलेल्या माहितीनुसार, आज दिवसभरात राज्यात ६५६ (कालची संख्या- ८४५) इतक्या नव्या रुग्णांची नोंद झाली आहे. तर आज दिवसभरात एकूण ७६८ (कालची संख्या- ७३०) रुग्ण बरे होऊन घरी गेले आहेत. तसेच, आज ०८ (कालची संख्या- १७) रुग्णांचा मृत्यू झाला. (maharashtra registered 656 new cases in a day with 768 patients recovered and 08 deaths today) आज राज्यात झालेल्या ०८ रुग्णांच्या मृत्यूंनंतर राज्याच्या मृत्यूदर २.१२ टक्क्यांवरच स्थिर आहे. याबरोबर राज्यात आतापर्यंत एकूण ६४ लाख ७६ हजार ४५० रुग्ण बरे झाले आहेत. यामुळे राज्यातील रुग्ण बरे होण्याचे प्रमाण ९७.६८ टक्के इतके आहे. क्लिक करा आणि वाचा- मुंबईत सर्वाधिक रुग्णवाढ आज राज्यातील एकूण सक्रिय रुग्णांची संख्या ९ हजार ६७८ इतकी आहे. या बरोबरच राज्यातील दैनंदिन रुग्णवाढीचा विचार करता सर्वात जास्त रुग्णवाढ आज मुंबई महानगरपालिका क्षेत्रात झाली आहे. मुंबईत एकूण १७४ नव्या रुग्णांचे निदान झाले आहे. तर त्या खालोखाल अहमदनगर जिल्ह्यात ६९ नवे रुग्ण आढळले आहेत. तर पुणे जिल्ह्यात आणि पुणे मनपा क्षेत्रात प्रत्येकी ४८ रुग्ण आढळले आहेत. त्या खालोखाल ठाणे महापालिका क्षेत्रात एकूण ३०, तर ठाणे जिल्ह्यात ११ नव्या रुग्णांची वाढ झाली आहे. तसेच, नवी मुंबई मनपा क्षेत्रात २४, कल्याण डोंबिवली मनपा क्षेत्रात १५, मीरा भाईंदर मनपा क्षेत्रात १६, पनवेल मनपा क्षेत्रात ७, वसई विरार मनपा क्षेत्रात १३ आणि रायगडमध्ये ही संख्या ११ इतकी आहे. क्लिक करा आणि वाचा- तसेच, नाशिक मनपा क्षेत्रात १९, नाशिक जिल्ह्यात २५, सोलापूर जिल्ह्यात ११, साताऱ्यात ही संख्या २१, कोल्हापूर मनपा क्षेत्रात ५ आणि कोल्हापूर जिल्ह्यात १, सांगलीत ३, तर सिंधुदुर्गात ७ नव्या रुग्णांची नोंद झाली आहे. औरंगाबाद मनपा क्षेत्रात ४, औरंगाबाद जिल्ह्यात ९, तर उस्मानाबादमध्ये ३, बीडमध्ये ७ रुग्ण आढळले आहेत. नागपूर मनपाक्षेत्रात ८ नवे रुग्ण आढळले आहेत. या जिल्ह्यांत आणि मनपा क्षेत्रात एकही नवा रुग्ण नाही भिवंडी निजामपूर मनपा, मालेगाव मनपा, धुळे, धुळे मनपा, जळगाव, जळगाव मनपा, नंदुरबार, रत्नागिरी, जालना, हिंगोली, परभणी, अकोला, अकोला मनपा, अमरावती, यवतमाळ, वाशिम, नागपूर, गोंदिया, चंद्रपूर आणि चंद्रपूर मनपा क्षेत्रात आज एकाही रुग्णाची नोंद झालेली नाही. क्लिक करा आणि वाचा- ९६,०४२ व्यक्ती होम क्वारंटाइन आतापर्यंत तपासण्यात आलेल्या ६ कोटी ४७ लाख ५७ हजार ३९० प्रयोगशाळा नमुन्यांपैकी ६६ लाख ३० हजार ५३१ (१०.२४ टक्के) नमुने पॉझिटिव्ह आले आहेत. सध्या राज्यात ९६ हजार ०४२ व्यक्ती होमक्वारंटाइनमध्ये आहेत. तर, १०३३ व्यक्ती संस्थात्मक क्वारंटाइनमध्ये आहेत.