जशी जशी गोवा विधानसभा निवडणूक जवळ येत आहे तश्या तश्या अनेक राजकीय घडामोडी राज्यात पाहायला मिळत आहेत. 

गोव्याचे राजकीय गणित थोडं किचकटच झालं म्हणायला लागेल. त्यात राज्याच्या राजकारणात तृणमूल आणि आप’ने आपली मजबूत एंट्री केल्यानंतर आता कॉंग्रेसच म्हणण आहे कि, युती झाली तरी अन नाही झाली तरी राज्यात केवळ काँग्रेसच येणार….पण २०२२ च्या निवडणुकीत २०१७ ची पुनरावृत्ती करू. तसेच राज्यात सर्वाधिक मताधिक्क्यांनी काँग्रेस पक्षाचाच उमेदवार पुन्हा निवडून आणू, असा विश्वास काँग्रेसचे प्रदेशाध्यक्ष गिरीश चोडणकर यांनी व्यक्त केला आहे….त्यामुळे आता गोवा निवडणूकीचं रिंगण ‘गोवा प्लॅन’ एवढंच इंटरेस्टिंग ठरणारं आहे…

थेट गोव्यात काय चाललंय ते बघू….. 

गोव्यातील आगामी विधानसभा निवडणुकांमुळे, भारतीय जनता पक्ष, तृणमूल काँग्रेस आणि आम आदमी पार्टी सारख्या पक्षांनी राज्यात धोरणात्मकदृष्ट्या प्रयत्न चालू केले आहेत. 

त्यात आता भाजपच्या आमदारांचं वेगळंच काहीतरी चालूये…… भाजपच्या आमदारांनी आपल्या कुटुंबातील सदस्यांसाठी तिकिट मिळवीत म्हणून प्रयत्न चालू केले आहेत. भाजपच्या एका नेत्याच्या म्हणण्यानुसार, पक्षाचे किमान १० नेते सध्या आपल्या मुलांना किंवा पत्नीला तिकीट मिळवून देण्यासाठी प्रयत्न करत आहेत.

गोव्याच्या राजकारणात प्रवेशासाठी भाजपचे नेते या पक्षांवर निशाणा साधत असले तरी त्यामुळे विरोधी मतांचे विभाजन होऊन भाजपलाच फायदा होईल, असे सत्ताधारी पक्षाच्या रणनीतीकारांचे मत आहे.

राजकीय रणनीतीकारांचा असा दावा आहे की,  बहुपक्षीय लढतीमुळे आगामी विधानसभा निवडणुकीत भाजपला गोव्यात सत्ता टिकवून ठेवता येईल. तर आघाडीला आपल्या आपल्या पक्षांतील उमेदवारांचे  मतभेद आणि तिकीटाच्या दावेदारांसारख्या आव्हानांना सामोरे जावे लागणार आहे. या सगळ्यांच्या भांडण्यामध्ये मतांचे विभाजन होऊन त्याचा फायदा भाजपलाच फायदा होईल, असे सत्ताधारी पक्षाच्या रणनीतीकारांचे मत आहे.

पण असंही नाहीये कि भाजपला आयताच फायदा होईल, भाजपला देखील या निवडणुकीत स्वबळावर तिकीटाच्या दावेदारांना सांभाळणे एक मोठं आव्हान असणार आहे. त्यातल्या त्यात उत्तर गोव्यातील मतांचे विभाजन रोखण्यासाठी महाराष्ट्रवादी गोमंतक पक्षासोबत युती करणे हा एक मोठा प्रश्न आहे.

केंद्रीय गृहमंत्री अमित शहा यांनी ऑक्टोबरमध्ये जेंव्हा गोव्याचा दौरा केला होता तेंव्हा त्यांनी राज्यातील भाजप नेत्यांना स्पष्टपणे सांगितले होते की, विरोधी उमेदवारांचे मते जितकी फुटतील तितकं पक्षाला निवडणुका जिंकणे सोपे जाईल.

त्यामुळे, आपली युती मजबूत करत करत भाजप, राष्ट्रवादी काँग्रेस आणि गोवा फॉरवर्ड पार्टी सारख्या पक्षांशी युती करणाऱ्या काँग्रेसच्या प्रयत्नांवरही भाजप लक्ष ठेवून आहे. हे तर स्पष्ट आहे कि,दक्षिण गोवा जो कॅथलिकबहुल आहे तो भाजपविरोधी आहे त्यामुळे या वर्गाची मते टीएमसी आणि आप यांसारख्या पक्षांमध्ये विभागली जातील आणि हीच बाब त्यांच्यासाठी दिलासा देणारी आहे. पण तरी याचा फायदा सत्ताधारी पक्षालाच होणार आहे.

कारण सरकार स्थापन करण्यासाठी भाजप छोट्या पक्षांशी युती करतो. याची परिणीती २०१७ च्या विधानसभा निवडणुकीला आलेली. २०१७ मध्ये झालेल्या विधानसभा निवडणुकीत भाजपला ४०  सदस्यीय विधानसभेत केवळ १३ जागा मिळाल्या होत्या. काँग्रेस दक्षिण गोव्यात सर्वात मोठा पक्ष म्हणून उदयास आला होता आणि कॅथोलिक लोकांच्या मोठ्या प्रमाणातल्या पाठिंब्यावर १७ जागा जिंकल्या होत्या. दोन्ही पक्षांना बहुमत नव्हते तरी देखील कॉंग्रेसच्या हाती सत्ता येता येता राहिली आणि भाजपने  छोट्या पक्षांशी युती केली अन सरकार स्थापन केले होते. 

पण आत्ता बहुमत घेऊ शकणारी कॉंग्रेस लेचीपेची झाली म्हणायला लागेल कारण गोव्याचे माजी मुख्यमंत्री लुईजीन्हो फेलेरो यांनी टीएमसीमध्ये प्रवेश केला. आणि त्यात गोव्यात एंट्री केलेल्या  टीएमसीची ताकद फेलेरो यांच्यामुळे आणखीनच वाढली. यामुळे आता असं होणार कि,  टीएमसी काँग्रेसची व्होट बँक खराब करेल. कॉंग्रेस गटाला मिळणारी मते आता टीएमसीला मिळतील मात्र  भाजपची मते कमी होणार नाही. 

कारण टीएमसी आणि कॉंग्रेस पक्षांमुळे भाजपविरोधी मते विभागली जातील. 

आणि सर्वात महत्वाचा मानला जाणारा काँग्रेसचा बालेकिल्ला म्हणजेच दक्षिण गोव्यात टीएमसीच्या एंट्रीमुळे अल्पसंख्याक मते फुटतील..काही कॉंग्रेस तर काही आप तर काही टीएमसीला जातील. त्यामुळे भाजप फारच उत्साहित आहे.

२०१७ च्या निवडणुकीत AAP ने ३६ जागांवर निवडणूक लढवली पण एकही जागा मिळवली नव्हती. गोव्यातील प्रत्येक विजेच्या खांबावर फक्त झेंडे लावून मते मिळत नाहीत. गोव्यात सर्वांचे स्वागत. अशी गोव्याची जनता आप वर टीका करत असे आत्ताही असचं काही वातावरण गोव्यात आहे असं भाजप च्या नेत्यांच म्हणन आहे.

२०१७ च्या विधानसभा निवडणुकीत १७ जागा जिंकणार्‍या काँग्रेसकडे आता फक्त पाच आमदार उरले आहेत.

उमेदवार निवडीबाबत भाजप याची वाट बघतोय कि, तिकीट वाटपापर्यंत कोण किती आणि कोणते पक्ष बदलतो. हे सगळं चित्र डिसेंबरअखेर स्पष्ट होईल. भाजप तर फुल ऑन तयार असल्याचं सांगतायेत. भाजपच्या म्हणण्यानुसार त्यांच्याकडे गोवा निवडणुकीच्या बाबतीतचा  A, B आणि C सर्व प्लॅन तयार आहेत. कोणी पक्ष सोडल्यास त्याच्या जागी कोणाला तिकीट मिळणार हे देखील पक्षाने आधीच ठरवले आहे.  

राज्याच्या लोकसंख्येमध्ये हिंदू, ख्रिश्चन आणि मुस्लिम हे अनुक्रमे ६६, २६ आणि ८.३३ टक्के आहेत. भाजपच्या २७ आमदारांपैकी १५  कॅथलिक आहेत. त्यापैकी दक्षिण गोव्यात विजयी झालेले काँग्रेसचे आठ माजी आमदार आहेत. पण अलीकडेच वादग्रस्त नागरिकत्व दुरुस्ती कायदा रद्द करण्यात आल्याने आणि पंतप्रधान नरेंद्र मोदी यांनी पोप फ्रान्सिस यांना भारतभेटीचे निमंत्रण दिल्याने, दक्षिण गोव्यातील निवडणुकीवर त्याचा परिणाम चांगला पडेल अशी भाजपला आशा आहे.

“ कारण पंतप्रधानांच्या पोपसोबत झालेल्या भेटीमुळे गोव्यातल्या कॅथलिक समाजात चांगले संकेत गेलेत आणि  कॅथलिक समाजाचा भाजपवरील विश्वास वाढलाय असा अंदाज आहे. आणि याचाच फायदा भाजपला होईल. आणि शिवाय भाजपविरोधी असलेली काही मते टीएमसी कमी करेल, या सर्व गोष्टी भाजपच्या बाजूने जातायेत. आता निवडणुकांच्या निकालावरूनच सर्व अंदाज स्पष्ट होईल. 

The post भाजपची गोव्यातली स्ट्रॅटेजी म्हणजे, इतर पक्षांच्या फुटलेल्या मतांवर जिंकून यायचं. appeared first on BolBhidu.com.

भारतीय अंतराळवीर स्वबळावर अवकाशात पाठविण्याची योजना भारताच्या वतीने इस्रोने २००९ मध्ये आखण्यात आली होती. यावेळी २०१५ मध्ये दोन अथवा तीन अंतरिक्षयात्री (गगननॉट्स) पाठविण्याचा संकल्प केला होता. तसेच त्यावेळी भारताच्या नियोजन समितीने पाठबळ पुरविण्याचे मान्यही केले होते. त्यामुळे हि योजना लवकरात लवकर मार्गी लागणार अशीच चिन्हे होती.

इस्रोने इंडियन ह्युमन स्पेसलिफ्ट प्रोग्रॅम हा कार्यक्रम आखला होता. त्यानुसार अंतराळवीरांच्या प्रशिक्षणाची सोय करण्यापासून ते इतर सर्व नियोजन ठरले होते. २००९ मध्येच इस्रोच्या शास्त्रज्ञांनी सांगितलं होत. तसेच यावेळी रशियाकडून सहकार्य घेण्याची शक्यता बोलून दाखविण्यात आली होती.

१५ ऑगस्ट २०२१ ला भारतीय अंतराळवीर झेप घेतील असे सांगण्यात आले होते.

यानंतर चीनने सुद्धा २०१२ मध्ये आपण अंतराळवीर पाठविण्याची घोषणा केली होती. त्यानंतर भारताच्या वतीने या इस्रोच्या मोहीलेम वेग वेग देण्यात येईल असं सांगितलं गेले होते. मात्र २०२१ संपत आले असून अजूनही गगननॉट्स योजना पूर्णत्वास येऊ शकली नाही.

आता याबाबत केंद्रीय अंतरिक्ष राज्यमंत्री डॉ. जितेंद्र सिंह यांनी मोहिमे बाबत भाष्य केले आहे.

त्यांनी माध्यमांशी बोलतांना सांगितले की, गगनयान मिशन अंतर्गत पुढच्या वर्षी जानेवारीत दोन मानवविरहित उड्डाणे होतील असे सांगितले. तसेच भारतीय अंतराळवीर २०२३ अंतराळात जातील अशी माहिती दिली.

२०२१ मध्ये देशाला स्वातंत्र्य मिळवून ७५ वर्ष होतील. त्याचे औचित्य साधून १५ ऑगस्ट रोजी भारताचा पहिला अंतराळवीर घेऊन इस्रोचे यान उड्डाण करेल अशी घोषणा पंतप्रधान नरेंद्र मोदी यांनी २०१८ मध्ये केली होती. मात्र मध्येच कोरोनाने गोधंळ घातल्याने यांना संदर्भातील काही बाबी पूर्ण पूर्ण होऊ शकल्या नाहीत. तसेच त्याची ट्रायल सुद्धा वेळेत पूर्ण झाले नाही.

मुख्य म्हणजे कोरोनामुळे अंतराळवीरांना देण्यात येणारे प्रशिक्षण पूर्ण होऊ शकले नाही. त्यामुळे २०२१ मध्ये होणारे गगनयान मोहीम पूर्ण होऊ शकली नाही. केंद्रीय अंतरिक्ष राज्यमंत्री डॉ. जितेंद्र सिंह गगनयान मोहीम पूर्ण होण्यासाठी २०२३ उजाडावे लागणार आहे.

तसेच यावेळी केंद्रीय अंतरिक्ष राज्यमंत्री डॉ. जितेंद्र सिंह म्हणाले की, भारतीय अंतराळवीर ज्यावेळी अंतराळात जाईल त्याच वेळी खोल समुद्रयान मिशन अंतर्गत ५ हजार मीटर समुद्र खोलीत मानव पाठविण्याची मोहीम यशस्वी व्हावी अशी इच्छा व्यक्त केली आहे.

एकीकडे एक भारतीय अंतराळवीर उड्डाण घेईल त्याच वेळी दुसऱ्या भारतीयाने सागराचा तळ गाठावा. तसेच त्यांनी हे सुद्धा मान्य केलं की, समुद्र तळ शोध मोहीम मागे पडत आहे. मात्र आता याकडे सरकार विशेष लक्ष घालून या मोहिमेला गती देण्याचा प्रयत्न नक्कीच करणार असल्याचे सांगितले.

जर गगनयान मोहीम यशस्वी तर भारताने खूप मोठा पल्ला गाठल्याचे सिद्ध होईल.

अंतराळ मोहिमेत भारत सध्या मागे

भारत सध्या अंतराळ मोहिमेत मागे पडत असल्याचे सांगण्यात येत आहे. मागच्या २ वर्षात केवळ ४ यानाचे प्रक्षेपण झाले आहे. जर याबाबतची तुलना चीन सोबत केल्यास एक वर्षांत जवळपास ४० मोहीम फत्ते केल्या आहेत. हे करून चीनने जागतिक विक्रम आपल्या नावे केला आहे.

तसेच एका वर्गाकडून कायम अशा खर्चिक मोहिमेला विरोध करण्यात येतो. या मोहिमेवर होणारा खर्च भारतातील गरिबी निर्मूलनाकडे हा निधी वळवून त्यावर लक्ष केंद्रित करावं अशी टीकाही करण्यात येते.

हे ही  वाचं  भिडू :

• अंतराळात सापडलेल्या एका जिवाणूला सय्यद अजमल खान यांच नाव देण्यात आलेलं आहे
• आज राकेश शर्मा ७१ वर्षांचे झाले, या वयातही त्यांची अंतराळात जायची तयारी आहे.
• देशद्रोहाचा खोटा आरोप झाला नसता, तर मंगळयान २० वर्षांपुर्वीच यशस्वी झालं असतं !

The post २०२१ पण संपत आलं.. खरं भारताचे अंतराळवीर अजूनही आभाळाकडेच डोळे लावून बसलेत appeared first on BolBhidu.com.

मुंबई । संजय राऊत हे नाव ऐकलं की समोर येतो शिवसेनेचा आक्रमक चेहरा. बाळासाहेब ठाकरे यांच्यापासून ते आतापर्यंत शिवसेनेच्या सर्व राजकीय घडामोडींचे साक्षीदार ते आहेत. मोदींपासून ते सर्वच विरोधकांना सळो की पळो करून सोडतात. यामुळे ते सतत चर्चेत असतात. असे असताना आता ते रडतानाचे भावूक फोटो सध्या सोशल मीडियावर व्हायरल झाले आहेत.

शिवसेना खासदार संजय राऊत यांच्यातील हळवा बापमाणूस यानिमित्ताने महाराष्ट्राने पाहिला. मुलीची पाठवणी करताना संजय राऊत हे भावूक झाल्याचे दिसून आले. काल त्यांची मुलगी पूर्वशी हिचा विवाह सोहळा पार पडला.

गेल्या दोन दिवसांपासून राऊत आणि नार्वेकर कुटुंबातील लग्नसोहळा चर्चेचा विषय बनला आहे. याचे व्हिडिओ आणि फोटो सोशल मीडियावर व्हायरल झाले होते. यामध्ये संजय राऊत आणि सुप्रिया सुळे यांचा डान्स व्हिडिओ देखील व्हायरल झाला होता.

असे असताना मात्र दुसऱ्याच दिवशी मुलीची पाठवणी करताना संजय राऊत भावूक झाल्याचे दिसून आले. पूर्वशीच्या मातोश्रींच्या डोळ्यातील पाणी पाहून संजय राऊत यांचाही कंट दाटला होता. मुलीच्या पाठीवर हात ठेवत संजय राऊत यांनी दिला आशीर्वाद दिले.

या निमित्ताने महाराष्ट्राच्या राजकारणातील आक्रमक नेता भावूक झाल्याचे महाराष्ट्राने पाहिले. या लग्नाची धावपळ गेल्या काही दिवसांपासून सुरू होती. या लग्नात संजय राऊत कधी नाचताना दिसले तर कधी मोठ्या नेत्यांचे स्वागत करताना दिसले. मात्र ते शेवटी भावूक झालेले दिसून आले.

या लग्न सोहळ्यासाठी बडे नेते उपस्थित होते, यामध्ये राष्ट्रवादी काँग्रेसचे अध्यक्ष शरद पवार, मनसेचे अध्यक्ष राज ठाकरे, सुप्रिया सुळे, यांच्यासह अनेक नेते उपस्थित होते. या लग्नाचे फोटो आणि व्हिडिओ सध्या सोशल मीडियावर व्हायरल होत आहेत.

कोल्हापूर । राज्यात महाविकास आघाडीची सत्ता असून गेल्या काही दिवसांपासून राष्ट्रवादी काँग्रेसमध्ये अनेकांनी प्रवेश केला आहे. असे असताना आता भाजप नेते चंद्रकांत पाटील यांच्या जवळचे कोल्हापूर महानगरचे माजी अध्यक्ष संदीप देसाई आता राष्ट्रवादीत प्रवेश करणार आहेत.

यामुळे भाजपला हा एक मोठा धक्का मानला जात आहे. नुकतीच त्यांनी ग्रामविकास मंत्री हसन मुश्रीफ यांची भेट घेतली आहे. पुढील आठवड्यात ते राष्ट्रवादीमध्ये प्रवेश करणार आहेत. यामुळे कोल्हापूरमध्ये राष्ट्रवादी काँग्रेसची ताकद वाढणार आहे.

चंद्रकांत पाटील यांनी संदीप देसाई यांना महानगर अध्यक्षपदाची जबाबदारी दिली होती. त्यांचा पक्षविस्तार करण्यात मोठा वाटा होता. असे असताना पक्षांतर्गत राजकारणामुळे त्यांची पीछेहाट झाली. राजकीय कुरघोड्यांना वैतागून त्यानी अखेर हा निर्णय घेतला आहे.

एका फसवणुकीच्या तक्रारीवरून त्यांची महानगरअध्यक्ष पदावरून तडकाफडकी उचलबांगडी करण्यात आली. यामुळे ते नाराज होते. यामुळे त्यांनी राष्ट्रवादी काँग्रेसमध्ये प्रवेश करण्याचा निर्णय घेतला आहे. त्यांच्यासोबत अनेक भाजपच्या कार्यकर्त्यांनी देखील राष्ट्रवादीत प्रवेश करण्याचा निर्णय घेतला आहे.

चंद्रकांत पाटील यांच्यावर निष्ठा ठेवून गेले दोन वर्षे वाट बघूनही पक्षाने त्यांना बेदखल केले. यामुळे भाजपला सोडचिठ्ठी देऊन राष्ट्रवादी काँग्रेस पक्षात प्रवेश करण्याचा निर्णय घेतला आहे, असे त्यांनी सांगितले आहे.

चंद्रकांत पाटील यांच्या ते जवळचे मानले जात होते, यामुळे आता राष्ट्रवादी काँग्रेसमधून त्यांना पुन्हा राजकीय आखाड्यावर संधी दिली जाऊ शकते. आता मोठ्या नेत्यांच्या उपस्थितीत पुढील आठवड्यात ते अधिकृतपणे राष्ट्रवादी काँग्रेसमध्ये प्रवेश करतील.

महाविकास आघाडी सरकारला दोन वर्षे पुर्ण झाले आहे. पण त्याआधी झालेला विरोधी पक्षनेते देवेंद्र फडणवीस आणि उपमुख्यमंत्री अजित पवार यांचा शपतविधी कोणीही विसरु शकणार नाही. अशात देवेंद्र फडणवीसांनी या घटनेवर प्रतिक्रिया दिली आहे.

सरकारला दोन वर्षे स्थापन झाल्यानिमित्ताने देवेंद्र फडणवीसांनी मुंबई तकला मुलाखत दिली आहे. यावी देवेंद्र फडणवीसांनी अजित पवारांच्या त्या पहाटेच्या शपथविधीवर पश्चाताप व्यक्त केला आहे. तसेच त्यांनी राज्य सरकारवर टीका केली आहे.

शिवसेनेने विश्वासघात केल्यानंतर जशास तसं उत्तर देण्यासाठी आम्ही अजित पवारांसोबत मिळून सरकार स्थापन झाले होते. कारण आमच्या पाठीत खंजीर खुपसण्यात आला होता. पण आम्ही जशाच तसं उत्तर देण्याचा विचार केला याचा आम्हाला पश्चाताप होत आहे, असे देवेंद्र फडणवीसांनी म्हटले आहे.

हे नसतं झालं तर चांगलं झालं असतं असंही सारखं वाटतं. मला माहितीये आहे, त्यावेळी काय झालं होतं आणि कोणी काय केले होते, असे देवेंद्र फडणवीसांनी मुलाखतीत म्हटले आहे. या मुलाखतीत त्यांनी महाविकास आघाडी सरकारवर टीकाही केली आहे.

राज्य सरकारने १० हजार मृत्यु लपवले आहे. सरकारने कोरोना स्थिती योग्य प्रकारे हाताळल्याचे सांगत आपली पाठ थोपटली होती. मात्र देशातील एकूण मृत्युंपैकी ३५ टक्के एकट्या महाराष्ट्रात झाल्याचं सत्य ते स्वीकारत नाहीत?, अशी टीकाही देवेंद्र फडणवीसांनी केली आहे.

यावेळी देवेंद्र फडणवीसांनी ठाकरे सरकार पडण्यावरही भाष्य केले आहे. ठाकरे सरकार जितके स्थीर वाटते तितकेच ते पडण्याची शक्यता जास्त असते, मी गॅरंटी देतो की ही सरकार नक्की पडेल, असेही देवेंद्र फडणवीसांनी म्हटले आहे.

महत्वाच्या बातम्या-
ATM मधून पैसे काढण्याचे नियम बदलले, जाणून घ्या संपूर्ण माहिती नाहीतर होईल नुकसान..
..तर संसदच बंद करून टाका; संतापलेल्या राहूल गांधींची मोदी सरकारकडे मागणी
१० नोव्हेंबरपासून दक्षिण अफ्रिकेतून १ हजारांच्या आसपास प्रवासी मुंबईत आले, आदित्य ठाकरेंच्या दाव्याने खळबळ

मुंबई । सध्या SBI ने एक नवीन नियम लागू केला आहे. यामध्ये एटीएममधून पैसे काढण्याच्या नियमात बदल करण्यात आला आहे. ATM व्यवहार अधिक सुरक्षित करण्यासाठी हा निर्णय घेण्यात आला आहे. हा नियम असा आहे की, आता तुम्हाला ATM मधून पैसे काढण्यासाठी OTP टाकावा लागेल.

यामुळे आता OTP शिवाय पैसे काढता येणार नाहीत. हा OTP तुमच्या मोबाईलमध्ये येणार आहे. पैसे काढण्याच्या वेळी, ग्राहकांना त्यांच्या मोबाइल फोनवर एक ओटीपी मिळेल, जो टाकूनच एटीएममधून पैसे काढता येतील. यामुळे अधिक सुरक्षा वाढणार आहे.

बँकेने म्हटले आहे की, एसबीआय एटीएममधील व्यवहारांसाठी आमची ओटीपी आधारित रोख पैसे काढण्याची प्रणाली हे फसवणूक करणाऱ्यांविरुद्ध एक लसीकरण आहे. यामुळे फसवणूक थांबणार आहे. फसवणुकीपासून तुमचे संरक्षण करणे हे नेहमीच आमचे सर्वोच्च प्राधान्य असेल.

SBI ग्राहकांनी OTP आधारित रोख पैसे काढण्याची प्रणाली कशी कार्य करेल हे माहित करुन घ्या, अशी माहिती त्यांनी दिली आहे. तसेच हा नियम 10 हजार रुपये आणि त्याहून अधिक पैसे काढण्यावर लागू होणार आहे. ग्राहकांना पैसे काढण्यासाठी त्यांच्या नोंदणीकृत मोबाइल क्रमांकावर येणारा ओटीपी आणि पिन टाकून 10 हजार आणि त्याहून अधिक रक्कम काढता येईल.

हा OTP चार अंकी असेल, पैसे काढताना तो टाकावा लागेल. फसवणुकीपासून ग्राहकांना यामुळे दिलासा मिळणार आहे. याबाबत फसवणूकीच्या अनेक तक्रारी आल्या आहेत. यासाठी बँकेने हे पाऊल उचलले आहे. यामुळे आता सुरक्षेत वाढ होईल.

SBI कडे इंटरनेट बँकिंग आणि मोबाईल बँकिंग वापरणाऱ्या ग्राहकांची संख्या अंदाजे 91 दशलक्ष आणि 20 दशलक्ष आहे. तसेच 22 हजारांपेक्षा जास्त शाखा आहेत. यामुळे याचा या नवीन नियमाचा सुरक्षेसाठी फायदा होणार आहे.

देशाचे पंतप्रधान नरेंद्र मोदी यांनी काही दिवसापूर्वी कृषीविषयक तीनही कायदे मागे घेण्याची घोषणा केली होती. काल संसदेत कृषीविषयक तीनही कायदे केंद्र सरकारने मागे घेतले. यामुळे शेतकऱ्यांचा मोठा विजय झाला आहे. या प्रश्नावर आंदोलन करणाऱ्या शेतकऱ्यांना घरी परतण्याचे आवाहनही त्यांनी केले होते. संसदेतI चर्चा न करताच तीनही कृषि कायदे मागे घेण्याचा निर्णयावर राहुल गांधी यांनी जोरदार टीका केली आहे.

राहुल गांधी यांनी सद्या संपूर्ण मोदी सरकार संभ्रमात असल्याचे म्हटले आहे. मागील काही वर्षांपासून मोदी सरकार देशातील शेतकऱ्यांना आणि कामगारांना दाबण्याचा प्रयन्त करत आहे. मात्र देशातील शेतकरी आणि कामगार वर्ग हा स्वाभिमानी आहे, तो आपल्या न्याय हक्कांसाठी नेहमीच लढत राहिला आहे.

मोदी सरकारने संसदेत कृषी कायदे मागे घेणे, हा देशातील सर्व शेतकऱ्यांचा विजय आहे. त्यांच्या संघटित लढ्याचे हे यश आहे. संसदेत तीन कृषी विषयक कायदे, लाखीमपूर खिरातील शेतकऱ्यांची हत्या, आंदोलनात 700 हुन अधिक शहीद झालेल्या देशातील नागरिकांवर संसदेत चर्चा व्हायला हवी होती.

जर सरकारला चर्चाच करायची नाही तर त्यांनी संसद बंद करून टाकावी. देशातील संसद चर्चा करण्यासाठी आहे. मात्र मोदी सरकार चर्चेपासून पळ काढत आहे. आजही मोदी सरकार आम्ही चुकीचं काहीही केलं नव्हते असं म्हणतंय, तर मोदी देशाची माफी का मागत आहेत. देशातील प्रश्नांवर संसदेत चर्चा होणं आवश्यक आहे,असं राहुल गांधी यांनी म्हटले आहे.

मोदींनी हे कायदे मागे घेतले असले तरी मोदींवर टीका होत आहे. अनेक शेतकऱ्यांचे जीव या आंदोलनात गेले आहेत. अजून शेतकरी आंदोलन करत आहेत. एमएसपी आणि अन्य मागण्यांसाठी अजून शेतकरी आंदोलन करत आहेत. सरकारने आमच्याशी बातचीत सुरू करावी अशी मागणी किसान संयुक्त मोर्चाने केली आहे.
महत्वाच्या बातम्या
मुंबईत शिक्षण, अवघ्या दहा वर्षात ट्विटरच्या सीईओ पदापर्यंत झेप; जाणून घ्या कोण आहेत पराग अग्रवाल
चक्क सलमान खानने साबरमती आश्रमात जाऊन चालवला बापूंचा चरखा; नंतर म्हणाला…
माजी कर्मचाऱ्याने भन्नाट ट्रिक वापरत फ्लिपकार्टला गंडवत कमावले लाखो रूपये; वाचून चकीत व्हाल१० नोव्हेंबरपासून दक्षिण अफ्रिकेतून १ हजारांच्या आसपास प्रवासी मुंबईत आले, आदित्य ठाकरेंच्या दाव्याने खळबळ

मुंबई । मायक्रो ब्लॉगिंग प्लॅटफॉर्म ट्विटरचे मुख्य कार्यकारी अधिकारी जॅक डोर्सी यांनी पदाचा राजीनामा दिला आहे. आता पराग अग्रवाल यांची ट्विटरच्या सीईओपदी नियुक्ती करण्यात आली आहे. यामुळे सध्या ते चर्चेत आले आहेत. पराग अग्रवाल आयआयटी मुंबईचे माजी विद्यार्थी आहेत.

2011 मध्ये पराग यांनी ट्वीटरमध्ये काम करण्यास सुरुवात केली. फक्त 10 वर्षांत पराग यांची कंपनीच्या सीईओपदी निवड झाली आहे. पराग अग्रवाल यांच्या कामावर जॅक डोर्सी समाधानी होते. यामुळे त्यांना सध्या ही संधी मिळाली आहे.

जॅक डोर्सी यांनी अग्रवाल यांचे नाव सीईओ पदासाठी पुढे केल्याची माहिती समोर आली आहे. 2017 मध्ये मुख्य तंत्रज्ञान अधिकारी सीटीओ या पदावर त्यांची निवड झाली होती. त्यांनी याठिकाणी चांगले काम केले असून त्याचा मोठा फायदा झाला होता.

आता पराग अग्रवाल लवकरच पदभार स्वीकरणार आहेत. जगभरातील मोठ्या तंत्रज्ञानाविषयक कंपन्याच्या मुख्य कार्यकारी अधिकारीपदी भारतीय आहेत. यामध्ये मायक्रोसॉफ्टचे सत्या नडेला, गुगलचे सुंदर पिचई, ‘आयबीएम’चे अरविंद कृष्ण, अ‍ॅडोबचे शंतनू नारायण यांच्यापाठोपाठ अग्रवाल यांचेही नाव आता यामध्ये आले आहे.

भारतीयांसाठी ही एक आनंदाची बातमी आहे. पराग अग्रवाल यांची एकूण संपत्ती 1.52 मिलिअन डॉलर इतकी आहे. याबाबत पराग अग्रवाल यांनी ट्वीट केले आहे. आपल्या ट्वीटमध्ये अग्रवाल यांनी जॅक आणि संपूर्ण टीमबद्दल कृतज्ञता व्यक्त केली.

संपूर्ण जग आपल्याकडे पूर्वीपेक्षाही अधिक अपेक्षेने पाहत आहे. आपण ती अपेक्षापूर्ती करूया. भारतात जन्मलेल्या पराग अग्रवाल यांनी आयआयटी बॉम्बेमधून पदवी घेतली आहे. त्यांनी याहू, माइक्रोसॉफ्ट आणि AT&T यासारख्या दिग्गज कंपनीमध्ये काम केले आहे. सध्या जगभरात त्यांची चर्चा सुरू आहे.

भय्यू महाराज आत्महत्या प्रकरणी भोपाळ फॉरेन्सिक ऑफिसर तिलक राज यांनी १०९ पानांची मोबाईल चॅटिंग कोर्टात सादर केली आहे. यामध्ये भय्यू महाराजांना ब्लॅकमेल करणारी पलक आणि कोणीतरी पियुष जीजू यांच्यात व्हॉट्सऍप चॅटिंगद्वारे संभाषण झाले आहे.

या व्हॉट्सऍप चॅटमुळे भैय्यू महाराज प्रकरणात मोठा खुलासा झाला आहे. काही चॅट कोड्स वर्डमध्ये देखील आहेत, जसे लिहिले आहे – BM ला वेडा बनवावे लागेल आणि घरी बसवावे लागेल. तांत्रिकासोबत २५ लाखांचा सौदा झाला आहे. भय्यू महाराज यांच्या आत्महत्येस प्रवृत्त केल्याप्रकरणी पलकला पोलिसांनी अटक केली होती.

हा खटला अतिरिक्त सत्र न्यायाधीश धर्मेश सोने यांच्या न्यायालयात सुरू आहे. पोलिसांनी आरोपींचे मोबाईल जप्त करून चॅटिंग डेटा जप्त केला. शुक्रवारी आरोपी पलकचे वकील धर्मेंद्र गुर्जर आशिष चौरे यांनी या घटनेची फिर्यादी पक्षाकडून उलटतपासणी घेतली. तसेच या चॅटिंगची माहितीही मिळाली. आरोपींच्या जप्त केलेल्या मोबाईलवरून मिळालेल्या चॅटिंगमध्ये अनेक महत्त्वाचे खुलासे झाले आहेत.

पलकच्या मोबाईल चॅटिंगमधील काही उतारे

पलक : भाऊ, आयुषीने एका तांत्रिकाला पकडले आहे. २५ लाखात सौदा झाला आहे.
पियुष जिजू : कोणाकडून?
पलक : तांत्रिकाकडून…
पलक : बीएमला वेडा करून घरी बसवले आहे.
पियुष जिजू : कुहू घरी येणार आहे. उद्या कुहूची खोली ठीक होईल.
पलक : कुहूने शरदला सांगितले की ती समोर आली तर मी तिला मारून टाकेन.
पलक : यावेळी कुहू पूर्णपणे तयार होऊन गेली आहे का?
पियुष जिजू : कुठे? इंदोर
पलक : आयुषीने येऊन पुन्हा काम बिघडवले.
पलक: आयुषीने वहिनी आणि कुहू आणि बापूचे फोटो जाळले.

आयुषी ही भय्यू महाराजांची दुसरी पत्नी आहे. कुहू ही त्यांची मुलगी. धर्मेंद्र गुर्जर यांच्या म्हणण्यानुसार, या खटल्यात आतापर्यंत ३१ साक्षीदार सादर करण्यात आले आहेत. या तिन्ही आरोपींना ३ डिसेंबर रोजी न्यायालयात हजर केले जाणार आहे.

दरम्यान, भय्यू महाराज यांनी १२ जून २०१८ रोजी राहत्या घरी गोळी झाडून आत्महत्या केली होती. या आत्महत्येप्रकरणी पोलिसांनी महाराजांचे दोन सेवक विनायक आणि शरद यांनाही आत्महत्येस प्रवृत्त केल्याप्रकरणी अटक केली होती. शरद हा चालक होता, तर विनायक हा जुना कर्मचारी होता. भय्यू महाराजांचा सर्व हिशोब विनायक पाहत असे.

पलकने भय्यू महाराजांचे अश्लील व्हिडिओ बनवले होते आणि त्याद्वारे ती त्यांना ब्लॅकमेल करत होती. १७ एप्रिल २०१७ रोजी भय्यू महाराज यांनी आयुषीसोबत लग्न केले. पलकने वर्षभरात लग्न करण्यासाठी दबाव टाकला. पलक दोन वर्षांपासून त्याच्या संपर्कात होती. तिला महाराजांशी लग्न करायचे होते, पण महाराजांनी डॉ आयुषीशी लग्न केले. पलकने लग्नाच्या दिवशीही गोंधळ घातला होता आणि त्यांना १६ जूनपर्यंत लग्नासाठी वेळ दिला होता.

महत्वाच्या बातम्या-
चक्क सलमान खानने साबरमती आश्रमात जाऊन चालवला बापूंचा चरखा; नंतर म्हणाला…
माजी कर्मचाऱ्याने भन्नाट ट्रिक वापरत फ्लिपकार्टला गंडवत कमावले लाखो रूपये; वाचून चकीत व्हाल
महिला खासदारांसोबत सेल्फी घेणे शशी थरूर यांच्या अंगलट, मागावी लागली माफी

‘अंतिम’ चित्रपटाच्या प्रमोशनसाठी बॉलीवूड अभिनेता सलमान खान यांनी गुजरात दौरा केला आहे. अहमदाबादला आलेल्या सलमानची एक झलक पाहण्यासाठी त्याच्या चाहत्यांनी मोठी गर्दी केली होती. सलमानने महात्मा गांधी यांच्या साबरमती आश्रमाला भेट दिली. यावेळी सलमानने चक्क बापूंचा चरखाही चालवला.

सलमान केवळ 10 ते 15 मिनिटे साबरमती नदीच्या काठावरील ‘साबरमती’ आश्रमात थांबला होता. या ऐतिहासिक ठिकाणी वसलेले महात्मा गांधीजींचे निवासस्थान असलेले ‘हृदय कुंज’लाही त्याने यावेळी भेट दिली. याचे फोटो सध्या सोशल मीडियावर व्हायरल झाले आहेत.

आश्रमाला भेट देऊन निघताना सलमानने व्हिजिटर बुकमध्ये आपला अभिप्राय लिहिला. ‘मला इथे यायला खूप आवडले आणि हा आनंद मी कधीच विसरणार नाही. मला पहिल्यांदाच अशा ठिकाणी फिरायला मिळाले आहे. मला या आश्रमात पुन्हा यायला आवडेल, असे त्याने म्हटले आहे.

त्याने हिरव्या रंगाचा टी-शर्ट आणि जीन्स परिधान केली होती. ती याठिकाणी येणार ही बातमी समजताच त्याठिकाणी मोठी गर्दी झाली होती. याठिकाणी व्हरांड्यात बसून त्याने चरख्यावर हात फिरवण्याचा प्रयत्न केला.

याठिकाणी पंतप्रधान नरेंद्र मोदी, अमेरिकेचे माजी राष्ट्राध्यक्ष डोनाल्ड ट्रम्प यांच्यासह अनेक राष्ट्रप्रमुखांनी सूत कातले आहे. आश्रमाने त्यांच्या परंपरेनुसार सलमानचे स्वागत करताना कापसाचा हार घालण्यात आला. यामुळे सलमान खान भारावून गेला.

सलमानने देखील त्यांच्या खास शैलीत तो हार हाताला गुंडाळला. तसेच त्याने चाहत्यांना देखील बघत हात उंचावला. यामुळे त्याचे चाहते देखील खुश झाले. आता सगळ्यांना या त्याच्या चित्रपटाची उत्सुकता लागली आहे.

मध्यप्रदेशमधील जबलपूर शहरात फ्लिपकार्टला माजी कर्मचाऱ्याने लाखो रुपायांचा चुना लावल्याची घटना समोर आली आहे. याप्रकरणी पोलीसांनी शुभम मिश्रा आणि त्याचा साथीदार अंकित रैकवारला वर गुन्हा दाखल करुन अटक केली आहे. या प्रकरणी मिळालेल्या माहितीनुसार शुभम मिश्रा हा पुर्वी फ्लिपकार्ट मध्ये कामाला होता,

आणि अंकित रैकवार हा फ्लिपकार्ट कंपनीत डिलिव्हरी एंजट म्हणुन काम करत होता. शुभम आणि अंकित ची पुर्वीपासुन मैत्री होती. शुभम यांने फ्लिपकार्ट कंपनीला गंडवून लाखो रुपये कमवण्याचा प्लन आखला, या प्लन नुसार तो पुढे काम करीत राहीला.शुभमने फ्लिपकार्ट कंपनी कडून एअरपॉड्स मागवायला सुरुवात केली.

तो नेहमी वेगवेगळ्या व्यक्तींच्या आणि वेगवेगळ्या पत्त्यावर एअरपॉड्सची मागणी करत असे. एअसपॉड्सची डिलीव्हरी करण्याचे काम अंकित करत असे, अंकित पार्सल घेवून शुमम जवळ येत असे. त्यानंतर शुभम कंपनीचे एअसपॉड्स काढून स्वःताजवळ ठेवायचा, आणि तसेच दिसणारे खोटे एअरपॉड्स अंकित जवळ द्यायचा.

अंकित हे पार्सल कस्टमरने घेतले नाही असे दाखवण्यासाठी पार्सलची नोंद अनडिलिव्हर्ड पार्सल अशी करत असे, आणि ते पार्सल पुन्हा फ्लिपकार्टला पाठवत असे. त्यानंतर शुभम कंपनीचे ओरिजनल एअरपॉड्स कैलाश आसवानी यांच्या दुकानात विकत होता. या प्रकरणात पोलिसांनी कैलास आसवानी यांनाही अटक केली आहे.

या प्रकरणात पोलिसांनी तिन्हीही आरोपींना अटक केली आहे. या सगळ्या प्रकरणाचा मास्टरमाईंड शुभम असल्यांचे तपासात समोर आले आहे. पोलिसांनी या तिन्ही कडून जवळपास ५ लाख किंमतीचे १९ एअरपॉड्स जप्त केल्याची माहीती समोर येत आहे.
महत्वाच्या बातम्या 
१० नोव्हेंबरपासून दक्षिण अफ्रिकेतून १ हजारांच्या आसपास प्रवासी मुंबईत आले, आदित्य ठाकरेंच्या दाव्याने खळबळ
महिला खासदारांसोबत सेल्फी घेणे शशी थरूर यांच्या अंगलट, मागावी लागली माफी
VIDEO: नोरा फतेहीच्या टॉप अशा जागी फाटला की नेटकरी भडकले; म्हणाले, इथेच बरा फाटतो..
होय,मी एसटी कर्मचाऱ्यांच्या संपात गेलो नाही; पण का? फडणवीस काय म्हणाले बघा

बीड । गेल्या काही दिवसांपासून राज्यातील शेतकरी मोठ्या संकटात सापडला आहे. याचे कारण म्हणजे शेतीची विजतोडणी सध्या केली जात आहे. यामुळे बीड जिल्ह्यातील एक तरुण शेतकऱ्यांने धक्कादायक पाऊल उचलले. या 23 वर्षीय शेतकऱ्याने शेतातील झाडाला गळफास घेऊन आत्महत्या केली आहे.

कृष्णा राजाभाऊ गायके असे या शेतकऱ्याचे नाव आहे. त्याच्या गावाचा वीज पुरवठा गेल्या आठ दिवसांपासून खंडीत करण्यात आला आहे. यामुळे शेतीचे हाताला आलेली पिके जळून जात होती. यामुळे त्याने टोकाचा निर्णय घेतला.

यामुळे त्यांच्या कुटूंबाला एकच धक्का बसला आहे. त्याच्या कुटुंबावर दु:खाचा डोंगर कोसळला आहे. कृष्णा गायके याने आत्महत्या केली नसून महावितरणने केलेला खून आहे, असा आरोप कृष्णाच्या नातेवाईकांना महावितरणावर केला आहे. यामुळे नातेवाईक संतप्त झाले आहेत.

गेवराई तालुक्यातील निपाणी जवळका येथील कृष्णा गायके याने शेतात कांद्याचे बी लागवडीसाठी आणले होते. मात्र लाईट नसल्याने तो चिंतेत होता. शेतातील विहिरीत पाणी असताना देखील पिकाला पाणीही देता येत नव्हते. आणि कांदाही लागवड करता येत नाही, या समस्येने तो चिंतेत होता. यामुळे त्याने हे टोकाचे पाऊल उचलले.

अगोदरच अतिवृष्टीने कंबर मोडलेला शेतकऱ्याला आधार देण्याऐवजी महाविवितरणकडून सक्तीची वीजबिल वसुली सुरु आहे. महावितरण शेतकऱ्यांच्या जीवावर उठली आहे. कृष्णा गायके याने आत्महत्या केली नसून महावितरणने केलेला खून आहे, असे कुटूंबाने म्हटले आहे.

दरम्यान राज्यात अनेक ठिकाणी ही कारवाई सुरू असल्याने सध्या शेतकरी संकटात सापडला आहे. यामुळे दिवसेंदिवस शेतकऱ्यांच्या समस्या वाढत चालल्या आहेत. यामुळे आता विरोधी पक्ष देखील आक्रमक झाला आहे.