आर्यन खानला न्यायालयीन कोठडी; NCBची 'ती' विनंती कोर्टाने फेटाळली

October 08, 2021 Marathi 0 Comments

मुंबई: कॉर्डेला क्रूझ अमलीपदार्थ प्रकरणात एनसीबीला धक्का बसला आहे. अभिनेता याचा मुलगा याच्यासह अन्य सात आरोपींच्या एनसीबी कोठडीत वाढ करण्याची एनसीबीची विनंती न्यायालयाने फेटाळली आहे. त्याचवेळी न्यायालयाने आर्यन खानसह सर्व आठ आरोपींना १४ दिवसांची न्यायालयीन कोठडी सुनावली असून आर्यन खानतर्फे लगेचच ज्येष्ठ वकील यांनी अंतरिम जामिनासाठी अर्ज सादर केला आहे. त्याच्यासह अन्य आरोपींच्या वकिलांनीही अंतरिम जामिनासाठी विनंती करत अर्ज सादर केले आहेत. या अर्जांवर आता उद्या सकाळी ११ वाजता सुनावणी होणार आहे. दरम्यान, करोना परिस्थितीला अनुसरून तुरुंग प्रशासनाचे नवे नियम पाहता आजची रात्र या सर्वांना एनसीबीच्या कोठडीतच काढावी लागणार आहे. ( ) वाचा: आर्यन खानसह आठ जणांना एनसीबीने आज न्यायालयात हजर केले. अधिक चौकशीत मिळालेल्या तपशीलावरून अमलीपदार्थ पुरवठ्याचा मोठा कट असल्याचे दिसत असल्याने आर्यन खान, व इतर सहा जणांची कोठडीतील अधिक चौकशी आवश्यक आहे, त्यामुळे त्यांच्या एनसीबी कोठडीत ११ ऑक्टोबरपर्यंत वाढ करावी, अशी विनंती एनसीबीतर्फे अतिरिक्त महान्यायअभिकर्ता अनिल सिंग यांची न्यायालयाला केली. अर्चित कुमार या आरोपीला आर्यन खानने दिलेल्या जबाबाच्या आधारावरच अटक करण्यात आली आहे. ४ ऑक्टोबर रोजी या आठ जणांना एनसीबी कोठडी सुनावण्यात आली होती. त्यानंतर एनसीबीने तपासात प्रगती दाखवत पार्टी आयोजक व पुरवठादारांनाही ताब्यात घेतले आहे. आता अमलीपदार्थ प्रकरणाची पूर्ण साखळी स्पष्ट होणे आवश्यक असल्याने सर्वांची अधिक चौकशी आवश्यक आहे, असे अनिल सिंग यांनी न्यायालयात सांगितले. मात्र एनसीबीची विनंती न्यायालयाने फेटाळली व आर्यनसह सर्व आरोपींना १४ दिवसांची न्यायालयीन कोठडी दिली. त्यानंतर लगेचच आर्यन व अन्य सात आरोपींच्या वकिलांनी अंतरिम जामिनासाठी अर्ज सादर केला. वाचा: 'तुम्ही सर्वांनी सहकार्य केल्यास जामिनाविषयी सुद्धा आताच सुनावणी घेऊन निर्णय देण्याची तयारी आहे', असे न्यायालयाने यावेळी स्पष्ट केले व एनसीबीने जामीन अर्जांविषयी उत्तर द्यायला हवे, असे नमूद केले. त्यावर अतिरिक्त महान्यायअभिकर्ता अनिल सिंग यांनी जामीन अर्जांना विरोध दर्शवला आणि त्याविषयी उत्तर दाखल करू, असे सांगितले. त्याचबरोबर या न्यायालयाला जामीन अर्जांविषयी सुनावणी घेता येणार नाही, असा मुद्दाही मांडला. मात्र, नियमित जामिनासाठी अर्ज दाखल केला जाईपर्यंत न्यायालय आरोपीच्या अंतरिम जामिनावर सुनावणी घेऊन निर्णय देऊ शकते, मग तपास संस्थेने उत्तर देओ अथवा न देओ, असे सर्वोच्च न्यायालयाच्या एका निवाड्यात म्हटलेले आहे, असे आर्यन खानतर्फे ज्येष्ठ वकील सतीश मानेशिंदे यांनी निदर्शनास आणले. अखेर कोर्टाने जामिनाविषयीची सुनावणी आता उद्या सकाळी ११ वाजता ठेवली आहे. आजची रात्र एनसीबी कोठडीतच करोनाच्या परिस्थितीत करोना चाचणी अहवालाविना आणि संध्याकाळी सहानंतर तुरुंग प्रशासन आरोपींना तुरुंगात दाखल करून घेत नाही. त्यामुळे आरोपींना आजच्या रात्रीसाठी एनसीबीच्या लॉकअपमध्ये ठेवण्याची अनुमती द्यावी, अशी विनंती एनसीबीचे मुंबई प्रादेशिक संचालक समीर वानखेडे यांनी कोर्टाला केली. त्यानुसार, कोर्टाने आदेशात नमूद करत आरोपींना आज एनसीबीच्या लॉकअपमध्ये ठेवण्याचे निर्देश दिले. वाचा: