धक्कादायक: मोबाइल दिला नाही म्हणून भररस्त्यात पत्नीचा चाकूने भोसकून खून

October 23, 2021 Marathi 0 Comments

अहमदनगर : तालुक्यातील गावात आज भर रस्त्यात पतीने पत्नीचा चाकून भोसकून खून केला. दोघांचे भांडण सोडवण्यासाठी मध्ये आलेल्या मेहुणीवरही हल्ला केल्याने तीही जखमी झाली आहे. त्यानंतर आरोपी पळून गेला. पत्नीने आपला मोबाइल लपवून ठेवल्याच्या आणि मागणी करूनही देत नसल्याच्या कारणातून त्याने पत्नीवर सपासप वार केले. रक्ताच्या थारोळ्यात पडलेल्या पत्नीला आणि जखमी मेहुणीला तेथेच सोडून आरोपी पसार झाला. दरम्यान, आरोपीला काही तासांतच अटक करण्यात आली आहे. ( ) वाचा: राशीन येथे सिद्धटेक रस्त्यावर ही घटना घडली. आरोपी (रा. पांडे, ता. करमाळा) याचे त्याची पत्नी दिपाली भोसले हिच्याबरोबर भांडण झाले होते. या रागामधून त्याने पत्नीवर चाकूने हल्ला केला. यामध्ये एक वार पत्नीच्या गळ्यावर केल्यामुळे ती जागीच ठार झाली. सोबत असलेल्या तिच्या बहिणीवरही आरोपी भोसले याने वार केल्याने तीही जखमी झाली आहे. नागरिकांना काही कळायच्या आतच भर रस्त्यात हा थरार झाला. आरोपीची मेहुणी लता बारकू (गंगाराम) आढाव (वय २३ रा. बैल बाजारामागे, राशीन) हिने दिलेल्या फिर्यादीवरून कर्जत पोलिसांनी गुन्हा दाखल केला. वाचा: हिने फिर्यादीत म्हटले आहे की, मी व माझी बहिण दीपाली राशीन येथील कामाच्या ठिकाणी पायी चालत जात होतो. त्यावेळी माझे भावोजी राहुल भोसले समोरून चालत आमच्याजवळ आले. त्यांनी दीपालीकडे माझा मोबाइल दे, असे म्हणत वाद घातला. त्यांचा मोबाइल नसल्याने दीपाली म्हणाली की, तुमचा मोबाइल माझ्याकडे नाही, मी कोठून देऊ? याचा राग आल्याने त्यांनी तिला थप्पड मारली. त्यानंतर त्यांने त्यांचेजवळील चाकूने दीपालीच्या गळ्यावर वार केले. मी आरडाओरड केला असता, त्यांनी पुन्हा चाकूने दीपालीच्या अंगावर दोन ते तीन वार केल्याने ती जमिनीवर पडली. मी तिला वाचवण्यासाठी गेली असता माझ्यावरही वार केला. माझ्या पोटात चाकू मारत असताता जेवणाच्या डब्याने त्यांना मारहाण केली. त्यामुळे ते चाकू घेऊन पसार झाले. त्यानंतर तिथे उभ्या असणाऱ्या नागरिकांच्या मदतीने, तसेच माझ्या दुसऱ्या बहिणीला फोन करून बोलावून घेत आम्ही दीपालीला रुग्णालयात हलविले. मात्र, वाटेतच तिचा मृत्यू झाला. या फिर्यादीवरून पोलिसांनी आरोपी भोसले याच्याविरूद्ध खूनाचा गुन्हा दाखल केला आहे. पोलीस त्याचा शोध घेत आहेत. वाचा: या घटनेची माहिती मिळताच, पोलीस निरीक्षक चंद्रशेखर यादव यांनी तात्काळ घटनास्थळ गाठून आरोपीचा शोध शोधण्याचे काम सुरू केले. दरम्यान आरोपी माळवाडी परिसरातून काठड्यातून पलीकडे जाऊन दौडच्या दिशेने गेल्याबाबत माहिती मिळत होती. तीन पथके करून करमाळा, दौंड आणि पुणे येथे रवाना करण्यात आली होती. ग्राम सुरक्षा यंत्रणेला कॉल दिले होते. स्थानिक नागरिकांना मदतीला घेतले होते. तरीही आरोपी गुंगारा देत होता. शेवटी संध्याकाळी सहा वाजता कर्जत पोलिसांच्या प्रयत्नांना यश आले व आरोपीच्या मुसक्या आवळल्यात आल्या. वाचा: