आर्यन पहिल्यांदाच कोर्टात बोलला, म्हणाला माझ्याकडे ड्रग्ज नव्हतेच; सांगितला पूर्ण घटनाक्रम

October 08, 2021 Maharashtra , Marathi 0 Comments

मुंबई । बॉलिवूड अभिनेता शाहरुख खानचा मुलगा आर्यन खान याला क्रूझवर ड्रग्ज पार्टी केल्याच्या आरोपावरून अटक करण्यात आली आहे. २ ऑक्टोबरपासून आर्यन खान एनसीबीच्या ताब्यात आहे. याच प्रकरणावरून आज सुनावणी घेण्यात आली. त्यामध्ये शाहरूखच्या मुलाचा आर्यनचा कोठडीतील अजून दोन दिवस मुक्काम वाढला आहे.

दरम्यान, आज आर्यनची कोठडी संपणार होती. त्यामुळे त्याला आज मुंबईतील न्यायालयामध्ये हजर करण्यात आले होते. आर्यन खानला लवकर जामीन व्हावा, यासाठी त्याचे वकील प्रयत्न करत होते. आज त्याच्या वकिलांकडून आज पुन्हा एकदा आर्यनच्या जामीनसाठी याचिका दाखल करण्यात आली होती. मात्र एनसीबीने ११ ऑक्टोंबर पर्यंत कोठडी मागितली होती.

असे असताना आज पहिल्यांदाच आर्यनने कोर्टात आपली भूमिका मांडली. त्याने सगळा घटनाक्रम सांगितला आहे. या प्रकरणाशी आपला याच्याशी काहीही संबंध नसल्याचा दावा आर्यन खानने केला आहे. यामुळे आता वेगळीच चर्चा सुरू झाली आहे.

आर्यन म्हणाला की, मी तिथे गेटवर पोहोचलो तेव्हा मी अरबाझला पाहिले. आम्ही एकमेकांना ओळखतो, त्यामुळे मी त्याच्याशी बोललो. तिथेच आम्ही एनसीबीच्या अधिकाऱ्यांना भेटलो. एनसीबीच्या अधिकाऱ्यांनी मला विचारले की माझ्याकडे ड्रग्ज आहे का? मी नाही म्हणून सांगितले.

असे असताना त्यांनी मला तपासले. पण त्यांना काहीही सापडले नाही. नंतर त्यांनी अरबाजला तपासले आणि मला एनसीबी ऑफिसला यायला सांगण्यात आले. अरबाझ हा माझा मित्र आहे, मी ते नाकारत नाही. त्याने स्वत:च हे सांगितले आहे की तो एकटाच त्या ठिकाणी गेला होता. आम्ही क्रूजवर जाण्यासाठी एकत्र ठरवले नव्हते. असे आर्यन खानने कोर्टात सांगितले आहे.

आर्यनचे वकील मानेशिंदे म्हणाले, की आर्यनने प्रतिकसोबत चॅटिंग केलेली आहे. या चॅटमध्ये कुठेही रेव्ह पार्टीचा उल्लेख केलेला नाही. प्रतिकची अरबाजसोबत ओळख आहे. त्यामुळे प्रतिकने अरबाजला स्वंतत्ररित्या बोलावले होते. अरबाज आणि आर्यन सोबत गेले नव्हते, असेही ते म्हणाले.

Tags: Video, medico, itmedi, medium definition, media go, media one, mediam, on the media, what is media, medical news, media pa, media buying, define media, define media, media net, media news, media wiki, the media, media meaning, news media, mediasite, definition of media, www media markt, media watchdog, www media, web media, Narendra Modi, India Media, News, Rahul Gandhi, Hindutva, Maharashtra, Mumbai, Tamilnadu, Uttar Pradesh, Yogi Adityanath, Baba Ramdev, IMA, Patanjali, Ayurveda,Homeopathy, Allopathy,