'त्या' बिबट्याला जेरबंद करण्यात वन विभागाला यश; पडक्या घरामागे दबा धरून बसला होता

October 27, 2021 Marathi 0 Comments

पुणे: साडे सतरा नळी सिरम कंपनीमागे गोसावी वस्ती आणि गाव देवी परिसरात पहाटे फिरायला गेलेल्या नागरिकांवर अचानक हल्ला करणाऱ्या बिबट्याला पकडण्यात अखेर वन विभागाला यश आले आहे. या हल्ल्यानंतर दिवसभर बिबट्याची शोध मोहीम सुरू होती. पडक्या घराजवळील पत्र्यांमागे तो दबा धरून बसला होता. रात्री नऊच्या सुमारास वन विभागाच्या टीमला बिबट्या दिसला. पोलिस बंदोबस्त बोलावून रेस्क्यू ऑपरेशन पूर्ण केले. (The Forest Department finally caught the leopard that attacked the two in Pune) वन विभागाचे हे ऑपरेशन पूर्ण झाल्यानंतर बिबटयाला कात्रज येथील वन्यप्राणी अनाथालयात नेण्यात आले. हल्ल्याला प्रतिकार केल्यावर बिबट्या जवळच्या गवताळ भागात निघून गेला होता. या बिबट्याबरोबर झालेल्या झटापटीत एक जण जखमी झाला आहे. क्लिक करा आणि वाचा- बिबट्याने मंगळवारी सकाळी हा हल्ला केला. या हल्ल्याची माहिती मिळताच वन विभागाचे अधिकारी आणि रेस्क्यू टीम घटनास्थळी दाखल झाली. त्यानंतर हल्लेखोर बिबट्याचा शोध सुरू करण्यात आला. बिबट्याच्या हल्ल्यात जखमी झालेल्या व्यक्तीचे नाव संभाजी आटोळे असे आहे. त्यांना गालाला आणि पायाला बिबट्याचे पंजे लागले आहेत. नागरिकांनी तातडीने संभाजी यांना ससून रुग्णालयात दाखल केले. त्याच्याबरोबर असलेले अमोल लोंढे हे सुरक्षित आहेत. हे दोघे पहाटे साडेपाचच्या सुमारास गोसावी वस्तीतून जात असताना हा प्रकार घडला. क्लिक करा आणि वाचा- बिबट्याने हल्ला करताना संभाजी यांचा पाय धरण्याचा प्रयत्न केला. आपल्यावर बिबट्याने हल्ला केल्याचे पाहून दोघांनी आरडाओरडा करणे सुरू केले. त्यानंतर आसपासचे लोक जमा झाले. लोकांना पाहून बिबट्या पळाला. त्यामुळे या भागात भीतीचे वातावरण निर्माण झाले आहे. क्लिक करा आणि वाचा-