CM ठाकरे-अमित शहा यांची दिल्लीत होणार भेट!; तर्कवितर्कांना उधाण

September 22, 2021 Marathi 0 Comments

मुंबई: राज्यात आणि भाजपमध्ये अनेक कारणांनी तणाव निर्माण झालेला असताना दिल्लीत येत्या रविवारी ( २६ सप्टेंबर ) मुख्यमंत्री आणि देशाचे गृहमंत्री एका बैठकीत एकत्र येणार आहेत. मुख्यमंत्री ठाकरे यांनी या बैठकीच्या अनुषंगाने सर्व संबंधितांशी चर्चा केली आहे. ( ) वाचा: नक्षलवादी कारवाया, नक्षलग्रस्त भागांचा विकास, शहरी या मुद्द्यांवर गृहमंत्री अमित शहा यांनी ही बैठक बोलावली आहे. नक्षल प्रभावित राज्यांचे प्रतिनिधी या बैठकीला उपस्थित राहणार असून महाराष्ट्रातून मुख्यमंत्री उद्धव ठाकरे हे या बैठकीला हजेरी लावणार आहेत. त्यामुळे या बैठकीकडे सर्वांचेच लक्ष लागले आहे. या बैठकीनंतर अमित शहा आणि उद्धव ठाकरे यांच्यात स्वतंत्रपणे चर्चा होणार का?, याबाबतही उत्सुकता ताणली गेली आहे. राज्यातील सध्याची राजकीय स्थिती पाहता अनेक अर्थांनी उद्धव ठाकरे यांची ही दिल्लीवारी चर्चेत आहे. वाचा: उद्धव ठाकरे यांचा बैठकीसाठी 'होमवर्क' राज्यांमधील नक्षलवादाशी मुकाबला करण्यासाठी केंद्राचे जे राष्ट्रीय धोरण आहे व कृती आराखडा निश्चित करण्यात आलेला आहे, त्यावर बैठकीत चर्चा होणार आहे. २०१५ मध्ये केंद्राने याबाबत धोरण निश्चित केले असून त्यात सुरक्षा उपाययोजना, विकासाला चालना आणि स्थानिकांच्या हक्कांचे रक्षण हे मुद्दे केंद्रस्थानी ठेवण्यात आले आहेत. या बैठकीसाठी दिल्लीला रवाना होण्यापूर्वी मुख्यमंत्री ठाकरे यांनी सोमवारी पहिली आढावा बैठक घेतली. राज्याचे गृहमंत्री दिलीप वळसे पाटील, मुख्य सचिव सीताराम कुटे आणि वरिष्ठ पोलीस अधिकारी बैठकीला उपस्थित होते. नक्षलवादी कारवाया रोखण्यासाठी राज्य सरकार करत असलेले प्रयत्न, नक्षलग्रस्त भागात सुरू असलेली विकासाची कामे, दळणवळण आणि वाहतुकीचे जाळे विस्तारणारे प्रकल्प, निधीची तरतूद, निधी खर्च न झाल्यास त्याची कारणे, वनांचा प्रश्न, केंद्र-राज्य समन्वय या मुद्द्यांवर या बैठकीत चर्चा झाली. मुख्यमंत्र्यांनी याबाबत गुरुवारी पुन्हा एकदा बैठक बैलावली असून त्यात दिल्लीतील बैठकीत मांडायचे मुद्दे निश्चित करण्यात येणार आहेत, असे सूत्रांनी सांगितले. वाचा: