देशमुखांच्या वकिलाने CBI अधिकाऱ्याला आयफोन गिफ्ट दिला आणि...

September 05, 2021 Marathi 0 Comments

मुंबई: प्रकरणी चौकशीचा प्राथमिक अहवाल लीक करण्यासाठी सीबीआयच्या अधिकाऱ्याला आयफोन १२ प्रो हा मोबाइल लाच म्हणून देण्यात आला, अशी धक्कादायक बाब पुढे आली आहे. सीबीआयच्या एफआयआरमध्ये याबाबत नोंद करण्यात आली आहे. अनिल देशमुख यांच्या वकिलाकरवी हा मोबाइल हँडसेट सीबीआय अधिकाऱ्याला देण्यात आला, असेही समोर आले आहे. यामुळे अनिल देशमुख यांच्या अडचणी वाढण्याची शक्यता आहे. ( ) वाचा: शंभर कोटी रुपये वसुली प्रकरणी सीबीआयच्या प्राथमिक चौकशीत राज्याचे माजी गृहमंत्री अनिल देशमुख यांना क्लीनचिट देण्यात आल्याचा अहवाल काही दिवसांपूर्वी लीक झाला होता. देशमुख यांच्याविरोधात कोणताही सबळ पुरावा आढळला नसल्याने चौकशीची फाइल बंद करण्यात यावी, असेही त्यात नमूद करण्यात आले होते. या अहवालावर बोट ठेवत अनेक प्रश्न उपस्थित केले जाऊ लागले असतानाच हा अहवाल लीक कसा झाला, याची चौकशी करण्यासाठी सीबीआयने अंतर्गत समिती नेमली होती. या समितीने केलेल्या चौकशीत अनेक धक्कादायक बाबी उघड झाल्या. वाचा: सीबीआयचे उपनिरीक्षक यांनी हा अहवाल लीक केला व त्याबदल्यात त्यांना अनिल देशमुख यांचे वकील यांनी आयफोन १२ प्रो गिफ्ट म्हणून दिल्याचे या चौकशीत समोर आले. त्यानंतर या दोघांनाही अटक करण्यात आली असून दोघेही सध्या सीबीआय कोठडीत आहेत. २८ जून रोजी अनिल देशमुख प्रकरणी चौकशीच्या निमित्ताने अभिषेक तिवारी हे पुणे येथे गेले होते. तिथे ते आनंद डागा यांना भेटले व तिथेच त्यांना आयफोन १२ प्रो गिफ्ट म्हणून दिला गेल्याचेही एफआयआरमध्ये नमूद करण्यात आल्याचे सांगण्यात येत आहे. या फोनची किंमत १ लाखापेक्षाही जास्त आहे. तिवारी यांच्याकडून हा फोन जप्त करण्यात आला असून फॉरेन्सिक तपासणीसाठी तो पाठवण्यात आला आहे. तिवारी यांनी देशमुख यांच्या वकिलाकडून रोख रकमेच्या स्वरूपातही लाच घेतल्याचा सीबीआयला संशय आहे. त्याचाही तपास करण्यात येत आहे. तिवारी यांनी सीबीआय तपासाची माहिती सातत्याने आनंद डागा यांना व्हॉट्सअॅपवर शेअर केल्याचेही पुरावे सीबीआयला आढळले आहेत. दरम्यान, अनिल देशमुख यांनी गृहमंत्रिपदावर असताना सचिन वाझे याला दरमहा १०० कोटी रुपये वसुलीचे टार्गेट दिले होते, असा आरोप मुंबईचे माजी पोलीस आयुक्त यांनी केला होता. याबाबत मुंबई हायकोर्टाच्या निर्देशावरून सीबीआय मार्फत चौकशी करण्यात येत आहे. आता चौकशी अहवाल लीक झाल्याने या संपूर्ण प्रकरणाला नवं वळण लागलं आहे. वाचा: