अहमदनगरमध्ये मास्कसक्ती: ...तर दोन तास पोलिसांना मदत करण्याची 'शिक्षा'

September 29, 2021 Marathi 0 Comments

: संसर्ग कमी होत नसल्याने अहमदनगर जिल्ह्यात सुरू करण्यात आली आहे. मात्र, ही कारवाई करताना अनेकदा नागरिकांचे पोलिसांशी खटके उडतात. यातून मार्ग काढण्यासाठी कर्जत पोलिसांनी वेगळी युक्ती केली. पोलिसांची ही युक्ती चांगलीच लागू पडली. कारवाईला विरोध करणाऱ्या नागरिकांचे यातून मतपरिवर्तन तर झाले, शिवाय इतरांनाही ते वापरण्यासंबंधी सांगू लागले. ( ) वाचा: जिल्ह्याच्या ग्रामीण भागात करोना रुग्णांचे प्रमाण वाढते आहे. त्यामुळे पोलिसांना आता ग्रामीण भागावर लक्ष केंद्रीत केले आहे. मात्र, अनेक नागरिक कारवाईच्या वेळी पोलिसांना उलट प्रश्न करतात. दंडाची रक्कम भरायला तयार होत नाहीत. पैसे नाहीत, असे सांगून मोकळे होतात. शिवाय त्यांच्याकडे मास्कही नसतो. त्यामुळे पुढे जातानाही ते विना मास्कच जातात. यातून मार्ग काढण्यासाठी यांनी एक युक्ती केली. आपल्या सहकाऱ्यांसह ते कारवाईसाठी रस्त्यावर उतरले ते सोबत मास्क घेऊनच. विनामास्क फिरणाऱ्यांना दंड केला, त्यांना मास्क दिले. मात्र, जे विरोध करतील, दंड न भरण्यासाठी कारणे सांगतील त्यांना दोन तास पोलिसांसोबत थांबून कामात मदत करण्याची ‘शिक्षा’ त्यांनी दिली. त्यांना मास्क दिलेच व मास्क का आवश्यक आहेत आणि पोलीस हे कोणासाठी करीत आहेत, याचे महत्त्वही पटवून दिले. वाचा: याचे चांगले परिणाम दिसून आले. सुरुवातीला गप्प उभे राहणारे हे नागरिक हळूहळू बोलू लागले. विना मास्क नागरिकांना पकडताना पोलिसांची तळमळ, त्यांना दिले जाणारे मास्क, दंडाच्या पावती, हे सर्व पाहून झाल्यावर ज्यांची खात्री पटली, ते नागिरक इतरांना आवाहन करू लागले. विना मास्क नागरिकांना थांबवून मास्क वापरण्यास सांगू लागले. काही वेळानंतर पोलीस अधिकारी त्यांच्याशी संवाद साधून मास्क आणि पोलिसांच्या कारवाईचे महत्त्व पटल्यावर त्यांना सोडून देत होते. यापुढे मास्क वापरू, इतरांनाही सांगू आणि मुख्य म्हणजे पोलिसांच्या कारवाईवर संशय घेऊन त्यांना विरोध करणार नाही, अशा प्रतिक्रिया या नागरिकांनी व्यक्त केल्या. पोलीस निरीक्षक चंद्रशेखर यादव, पोलीस अंमलदार बाळासाहेब यादव, गोवर्धन कदम, बळीराम काकडे, भारत डांगोरे, शकील बेग, नितीन नरोटे यांनी या मोहिमेत भाग घेतला. वाचा: