'खोकला आला तरी...'; करोना टेस्टबाबत उदयनराजेंचं मोठं विधान

September 23, 2021 Marathi 0 Comments

सातारा: करोनावर मात केल्यानंतर खासदार हे पुन्हा एकदा सक्रिय झाले आहेत. आज माध्यमांशी बोलताना त्यांनी चाचणीबाबत मोठं विधान केलं. सध्या खोकला आला तरी पॉझिटिव्ह येतो, असे सांगत त्यांनी स्वत:चंच उदाहरण दिलं. ( ) वाचा: उदयनराजे यांच्याहस्ते आज महापालिकेच्यावतीने करण्यात येत असलेल्या विविध विकासकामांचे भूमीपूजन झाले. त्यावेळी ते माध्यमांशी बोलत होते. उदयनराजे यांनी यावेळी एकप्रकारे करोना चाचणीच्या विश्वासार्हतेवर प्रश्नचिन्ह उपस्थित केलं. 'मला ताप आला होता. त्यातही मी गार पाणी प्यायचो. त्यातून खोकला वाढला म्हणून मी करोना चाचणी करून घेतली. या चाचणीचा अहवाल पॉझिटिव्ह आल्याने मला रुग्णालयात दाखल व्हावे लागले. आता मी पूर्ण बरा झालो आहे आणि तुमच्यासमोर उभा आहे. मला करोना झाला होता की नाही हे सुद्धा सांगता येणार नाही', असे उदयनराजे म्हणाले. वाचा: दरम्यान, करोनाबाबत मंगळवारीही उदयनराजे यांनी एक विधान केलं होतं. 'करोना जाणार असे कुणी म्हणत असले तरी करोना जाणार नाही ही वस्तुस्थिती आहे. करोनाचा काळ होता, आहे आणि राहणार. खरंतर आपल्या जन्माच्या आधीपासूनच येथे करोना आहे. ही बाब तुम्ही सर्वांनी समजून घेतली पाहिजे. मोबाइलवर पिक्चर बघण्यापेक्षा करोनाची माहिती जाणून घ्या. म्हणजे मी काय म्हणतोय ते तुम्हाला समजेल', असा सल्ला सैनिक भरतीसाठी आंदोलन करणाऱ्या तरुणांना उदयनराजे यांनी दिला होता. आधी मातोश्रींना, नंतर उदयनराजेंना करोना खासदार उदयनराजे यांना ऑगस्ट महिन्यात करोना संसर्गाची लागण झाली होती. पुणे येथील रुबी रुग्णालयात त्यांना उपचारासाठी दाखल करण्यात आले होते. तिथे उपचार घेऊन ते पूर्ण बरे झाले आहेत. उदयनराजे यांच्याआधी त्यांच्या मातोश्री भोसले या करोनाबाधित झाल्या होत्या. बऱ्या झाल्यानंतरही पुन्हा त्रास होऊ लागल्याने त्यांना परत रुग्णालयात दाखल करावे लागले होते. तेव्हा संसदेचे अधिवेशन सोडून उदयनराजे तातडीने दिल्लीतून पुण्यात आले होते. त्यानंतर काही दिवसांनी उदयनराजे हे करोनाच्या विळख्यात सापडले होते. आता उदयनराजे यांची प्रकृती ठणठणीत असून ते विविध कार्यक्रमांना हजेरी लावताना विकासकामांच्या अनुषंगाने मंत्री, नेत्यांच्या गाठीभेटीही घेत आहेत. वाचा: