मला अ‍ॅरेस्ट बिरेस्ट केली नाही!; नारायण राणे यांनी केला 'हा' स्फोटक दावा

August 26, 2021 Marathi 0 Comments

मुंबई: मुख्यमंत्री यांच्याबद्दल आक्षेपार्ह विधान केल्याने नारायण राणे यांना अटकेच्या कारवाईला सामोरे जावे लागले. मंगळवारी दिवसभर हायव्होल्टेज ड्रामा पाहायला मिळाला. दुपारी तीनच्या सुमारास रत्नागिरीतील येथून राणे यांना अटक करण्यात आली आणि त्यानंतर रात्री ११ वाजताच्या सुमारास त्यांना कोर्टात जामीन मंजूर झाला. या संपूर्ण घटनाक्रमावर बोलतानाच राणे यांनी आज अनेक दावे केले आहेत. राणे यांनी परत एकदा मुख्यमंत्री उद्धव ठाकरे तसेच शिवसेनेच्या अन्य नेत्यांनाही थेट शब्दांत इशारा दिला आहे. ( ) वाचा: नारायण राणे यांची जन आशीर्वाद यात्रा सुरू असून या यात्रेदरम्यान महाड येथे बोलताना त्यांनी मुख्यमंत्री उद्धव ठाकरे यांच्याबद्दल आक्षेपार्ह विधान केले. 'मुख्यमंत्र्यांना देशाचा कितवा स्वातंत्र्यदिन हे माहीत नाही. निदान त्यांनी सचिवाला तरी विचारायला हवं होतं. मी तिथे असतो तर कानाखाली वाजवली असती', असे राणे म्हणाले होते. या विधानावरून रणकंदन माजलं. मंगळवारी शिवसैनिकांनी रस्त्यावर उतरत राणे यांचा निषेध केला तर नाशिक, महाड, पुणे यासह विविध ठिकाणी राणे यांच्याविरुद्ध गुन्हे दाखल करण्यात आले. दरम्यान, राणे मंगळवारी संगमेश्वर मधील गोळवली येथे होते. तिथूनच दुपारी तीनच्या सुमारास राणे यांना रत्नागिरी पोलिसांनी अटक केली. तिथून नंतर राणेंना महाड कोर्टात जामीन मिळेपर्यंत खूप मोठं नाट्य पाहायला मिळालं. राणे यांनी आज आपल्या मुंबईतील निवासस्थानी पत्रकार परिषद घेत यावर भाष्य केलं. मुंबई हायकोर्टात राणे यांना कठोर कारवाईपासून १७ सप्टेंबरपर्यंत दिलासा मिळाल्यानंतर काही वेळातच राणे यांनी पत्रकार परिषद घेतली. वाचा: राणे यांनी यावेळी मला अटक झाली नाही, असा दावा केला. 'माझ्याविरुद्ध आलेल्या तक्रारीनुसार गुन्हा दाखल करण्यात आला होता. जी कलमं लावली होती त्यानुसार मला कोर्टात हजर करावं लागेल, असे पोलिसांनी सांगितले. त्यासाठी त्यांनी विनंती केली. त्यावर मी सहकार्य केले. अॅरेस्ट बिरेस्ट काही नाही. संगमेश्वरहून महाडपर्यंत मी माझ्या गाडीनेच प्रवास केला. हवं तर तुम्ही ते तपासू शकता. मी तुम्हाला माझ्या गाडीचा नंबर देतो. कोर्टात जाईपर्यंत मला कोणी अटक केली नाही', असा दावा राणे यांनी केला. महाड आणि आणि आता अशा दोन्ही ठिकाणी निकाल माझ्या बाजूने लागले आहेत. मी असं काय बोललो होतो की ज्याचा तुम्हाला राग आला. ते वाक्य मी परत बोलणार नाही. पण मी, माझी मुलं कुणीच घरी नसताना माझ्या घरावर हल्ला करण्याचा प्रयत्न झाला. तुम्हालाही घर आणि मुलंबाळं आहेत, इतकं लक्षात ठेवा, असे नमूद करत मुख्यमंत्री ठाकरे यांचे नाव न घेता राणे यांनी इशारा दिला. वाचा: