उच्चभ्रू परिसरात सुरू होतं मोठं सेक्स रॅकेट; पोलिसांनी छापा मारत केली अल्पवयीन मुलीची सुटका

August 03, 2021 Marathi 0 Comments

: शहरातील ड्रीम लॅन्ड सिटी या उच्चभ्रू वसाहतीमध्ये आंतरराज्यीय सुरू असल्याची धक्कादायक माहिती उघड झाली आहे. देहविक्रीसाठी अल्पवयीन मुलीची खरेदी करण्यात आली होती. नागरिकांच्या सतर्कतेमुळे ही माहिती पोलिसांपर्यंत पोहोचली आणि बंगळुरू येथील मुलीची सुटका करण्यात आली आहे. काही सजग नागरिकांना या परिसरात आक्षेपार्ह हालचाली आढळून आल्या. याबाबत त्यांनी पोलिसांना माहिती दिली. पोलिसांनी तात्काळ दखल घेऊन संबंधितांना चौकशीसाठी पोलिस ठाण्यात बोलावले आणि त्यातून धक्कादायक माहिती पुढे आली. आर्णीसारख्या लहानशा गावातून आंतरराज्यीय सेक्स रॅकेट सुरू असल्याचे उघड झाले. उच्चभ्रू वस्ती असलेल्या ड्रीम लॅन्ड सिटी येथे एका महिलेकडून देहविक्रीचे रॅकेट चालविले जात असल्याचा संशय तेथील नागरिकांना आला. दोन दिवसापूर्वी एक अल्पवयीन मुलगी दोन तरुणांसोबत दुचाकीवरून आली. ती त्या महिलेच्या घरी वास्तव्याला होती. त्या मुलीची विक्री केली जाण्यापूर्वीच नागरिकांच्या तक्रारीवरून आर्णीचे ठाणेदार पितांबर जाधव पथकासह तेथे पोहोचले आणि त्या महिलेसह अल्पवयीन मुलगी व दोन युवकांना ताब्यात घेतले. बंगळुरू शहर पोलिस ठाण्यात मुलीच्या अपहरणासह बाललैंगिक अत्याचाराचा गुन्हा दाखल होता. संशयितांच्या कबुली जबाबातून देहविक्रीचे रॅकेट उघड होताच आर्णी पोलिसांनी बंगळुरू शहर पोलिसांशी संपर्क केला. मुलीचे आई-वडील व पोलिस जमादार संतोष दासर, पद्मावती बबले हे सोमावरी आर्णी पोहोचले. त्यांनी आरोपी दत्ता हिरामन राठोड (३०), अर्जुन गणेश आडे (२०) रा. महादापूर ता. माहूर जि. नांदेड यांना अटक केली. आर्णी पोलिसांच्या सतर्कतेमुळे देहविक्रीच्या व्यवसायात लोटली जाणारी अल्पवयीन मुलगी मात्र बचावली.आरोपी दत्ता राठोड याने फेसबुकच्या माध्यमातून या अल्पवयीन मुलीला प्रेमाच्या जाळ्यात ओढले. नंतर तिला भावनिक करत नागपूर येथे येण्यास भाग पाडले. अल्पवयीन मुलगी गुरुवारी नागपूरला पोहोचली. तेथून दत्ता राठोड याने साथीदार अर्जुन याच्या मदतीने दुचाकीवरून त्या मुलीला आर्णीत आणले. तिला ड्रीम लॅन्ड सिटी येथे राहणाऱ्या महिलेच्या घरी ठेवले. त्या महिलेच्या सहाय्याने अल्पवयीन मुलीची फसवणूक करून तिला देहविक्रीत लोटले जाणार होते. संशयित महिलेचा मोबाईल पोलिसांनी तपासला असता त्यामध्ये अनेक प्रतिष्ठितांची नावे पुढे आली. महिलेने प्रतिष्ठितांशी चॅटींग केल्याचे आढळून आले. यावरुन ती महिला मुली पुरविण्याचे रॅकेट चालवित असल्याचे सिद्ध झाले. मात्र अधिकृत तक्रार नसल्याने आर्णी पोलिस चौकशीशिवाय काहीही करू शकले नाही. बंगळुरू पोलिसांनीही त्या महिलेला गुन्ह्यात अटक करणार असल्याचे सांगून ही कारवाई पुढील टप्प्यात केली जाईल, असं स्पष्ट केले. सदर कारवाई ठाणेदार पितांबर जाधव यांच्या मार्गदर्शनात जमादार विजय चव्हाण, जया काळे, मिथून जाधव, महेश गावंडे यांनी केली.