राज्यात डेल्टा प्लसचा धोका वाढतोय; 'या' जिल्ह्यात आढळले ६ नवे रुग्ण

August 10, 2021 Marathi 0 Comments

जळगाव: विषाणूच्या नव्या ' ' व्हेरिएंटचे राज्यात आतापर्यंत ४५ रुग्ण समोर आले आहेत. यात यापूर्वीच जिल्ह्यातील ७ रुग्णांचा समावेश आहे. जळगाव जिल्ह्यात दीड महिन्यानंतर आता पुन्हा डेल्टा प्लस व्हेरिएंटचे नवीन ६ रुग्ण आढळ्याने खळबळ उडाली आहे. करोना विषाणूच्या जिनोमिक सिक्वेन्सिंगसाठी पाठविण्यात आलेल्या २८० नमुन्यांमधून जळगाव जिल्ह्यात नवीन ६ रुग्ण सापडल्याने जिल्ह्यातील डेल्टा प्लस रुग्णांची संख्या आता १३ झाली आहे. यामुळे जिल्हा प्रशासनाच्या चिंतेत भर पडली आहे. ( ) वाचा: महाराष्ट्रात २१ जून रोजी प्रथमच करोना विषाणूच्या नव्या 'डेल्टा प्लस' व्हेरिएंटचे २१ रुग्ण समोर आले होते. जळगाव जिल्ह्यातील ७ रुग्णांचा त्यात समावेश होता. जळगाव जिल्ह्यात आढळलेले सातही रुग्ण एकाच गावातील होते. विशेष म्हणजे त्यावेळी आढळेले सातही रुग्ण त्यांच्या नमुन्यांचे अहवाल प्राप्त होण्यापूर्वीच ठणठणीत बरे झाले होते. जिल्हाभरात पुन्हा डेल्टा प्लसचे ६ बाधित रुग्ण जिनोमिक सिक्वेंसिंगमध्ये निष्पन्न झाले आहेत. हे सहा रुग्ण वेगवेगळ्या तालुक्यातील असून विशेषत: ग्रामीण भागातील आहेत. या सहाही रुग्णांची प्रकृती स्थिर असून ते करोनातून बरे झालेले आहेत, अशी माहिती जिल्हा शल्यचिकित्सक डॉ. एन. एस. चव्हाण यांनी दिली आहे. वाचा: जळगाव जिल्ह्यात आता १३ रुग्ण मे महिन्यात पाठविण्यात आलेल्या नमुन्यांमध्ये डेल्टा प्लसचे ७ बाधित समोर आले होते. हे सातही बाधित तालुक्यातील एका गावातीलच होते. त्यानंतर या ठिकाणी मोठी रुग्णवाढ आढळून आली नव्हती. यानंतर जळगावातून जून व जुलै महिन्यात २८० अहवाल पाठविण्यात आले होते. त्यातून आता डेल्टा प्लसचे नवीन ६ बाधित रुग्ण समोर आले आहेत. या नवीन ६ रुग्णांपैकी तालुक्यात ३ तर जळगाव तालुक्यात २ व एक रुग्ण पारोळा तालुक्यातील असल्याची माहिती आहे. यातील सहावा रुग्ण हा १६ जुलै रोजी बाधित आढळून आला होता. यानंतर आधीच्या पाच पैकी तीन रुग्ण जून महिन्यात तर दोन रुग्ण जुलै महिन्यात बाधित आढळून आले होते. यातील सर्व रुग्ण हे पुरूष असून १७ ते ६० वयोगटातील आहेत. हे रुग्ण ज्या भागातील आहेत त्या भागांमध्ये आता प्रशासनाकडून विविध उपाययोजना राबविल्या जात आहेत. यातील केवळ एका रुग्णाने लस घेतल्याची तसेच एक रुग्ण गृह विलगीकरणातच बरा झाल्याची माहिती आहे. वाचा: