अहमदनगर: गैरव्यवहाराची चौकशी करणाऱ्या बीडीओवर बूट फेकून मारला

June 22, 2021 Marathi 0 Comments

नगर: ग्रामपंचायतीच्या गैरकारभारासंबंधी तक्रार आल्याने त्याची चौकशी करीत असलेल्या गटविकास अधिकाऱ्यावर गावातील पुढाऱ्याने बूट फेकून मारण्याची घटना तालुका पंचायत समितीत घडली. या प्रकरणी राज्य बाजार समितीचे संचालक आणि लोणी व्यंकनाथ ग्रामपंचायतीच्या उपसरपंचाचे वडील यांना अटक करण्यात आली आहे. ( ) वाचा: यासंबंधी माहिती अशी, श्रीगोंदा तालुक्यातील लोणी व्यंकनाथ ग्रामपंचायतमार्फत १४ व्या वित्त आयोगाची कामे करताना गैरप्रकार झाल्याची तक्रार गावातील ग्रामस्थाने केली होती. याची चौकशी गटविकास अधिकारी यांच्याकडे होती. काळे यासंबंधी चौकशी अहवाल जिल्हा परिषदेला सादर करणार असल्याची माहिती नहाटा यांना मिळाली. त्यानुसार त्यांनी बीडीओंचे कार्यालय गाठले. बीडीओ त्यांच्या भूमिकेवर ठाम होते. त्यामुळे वाद वाढत गेला. बीडीओ ऐकत नाहीत, हे पाहून नाहाटा यांनी त्यांच्या दिशेने बूट फेकून मारला. काळे यांनी याबाबत पोलिसांत फिर्याद दिली. त्यानंतर पोलिसांनी तातडीने गुन्हा दाखल करून नहाटा यांना अटक केली. वाचा: लोणी व्यंकनाथ ग्रामपंचायतीच्या कारभाराबद्दल ही तक्रार होती. १४ व्या वित्त आयोगाची अनेक कामे परवानगी न घेता केली असून त्यात अनियमितता झाल्याची तक्रार गावातील एका व्यक्तीने केली आहे. त्यानुसार गट विकास अधिकारी काळे चौकशी करीत आहेत. चौकशीत तथ्य आढळून आल्याने त्यांनी तत्कालीन पदाधिकाऱ्यांवर कारवाईचा प्रस्ताव तयार करून जिल्हा परिषदेला पाठविण्याची तयारी केली. हे टाळण्यासाठी नहाटा यांनी काळे यांचे कार्यालय गाठले. तेथे त्यांच्याशी चर्चा केली. मात्र, काळे आपल्या भूमिकेवर ठाम राहिले. त्यावरून त्यांच्यात बाचाबाचीही झाली. नहाटा तेथेच ठाण मांडून होते. थोड्यावेळाने काळे कार्यालयाबाहेर जात असताना नहाटा यांनी आपल्या पायातील बूट काढला आणि बीडीओ काळे यांच्या दिशेने फेकला. यावर काळे यांनी पोलीस ठाणे गाठले आणि फिर्याद दिली. श्रीगोंदा पोलिसांनी बाळासाहेब नाहटा यांच्याविरुद्ध सरकारी कामात अडथळा आणल्यासह विविध कलमाद्वांरे गुन्हा दाखल केला. नहाटा यांना लगेचच अटकही करण्यात आली. वाचा: