सांगली पालिका हद्दीत अचानक रुग्णवाढ; जिल्हाधिकारी उचलणार कठोर पाऊल

June 25, 2021 Marathi 0 Comments

सांगली: कोविड पॉझिटिव्हिटी दरानुसार राज्य शासनाने जिल्ह्यांना १ ते ५ स्तरामध्ये विभागले आहे. जिल्ह्यात तिसऱ्या स्तरासाठी निर्धारित केलेले प्रतिबंधात्मक आदेश सध्या लागू आहेत. यानुसार जिल्ह्यात ब्रेक द चेन च्या अनेक निर्बंधामध्ये शिथीलता देण्यात आली आहे. तथापि, गेल्या दोन-तीन दिवसांपासून क्षेत्रात जवळपास १० टक्के व त्यापेक्षाही जास्त होत आहे. सदरची बाब गंभीर असून अशी स्थिती राहिल्यास महानगरपालिका क्षेत्रात ब्रेक द चेन अंतर्गत पुन्हा चौथ्या स्तराचे निर्बंध लागू करावे लागतील, असा स्पष्ट इशारा जिल्हाधिकारी डॉ. यांनी दिला आहे. ( ) वाचा: संसर्गाचे संकट पूर्णत: टळलेले नसून दुसरी लाट अजूनही सुरूच आहे. सांगली जिल्हा १४ जूनपासून तिसऱ्या स्तरात आला असून त्यामुळे तिसऱ्या स्तरात अनेक बाबतीत निर्बंधांबाबत शिथीलता देवून व्यवहार सुरू करण्यात आलेले आहेत. जनजीवन हळूहळू सुरळीत होत असतानाच गेल्या दोन - तीन दिवसांपासून महानगरपालिका क्षेत्रात रुग्णसंख्या वाढती आहे. नागरिक मुक्तपणे आरोग्याचे नियम न पाळता व्यवहार करणार असतील आणि गर्दी करणार असतील तर करोनाचा प्रादुर्भाव पुन्हा वाढून मिळालेली निर्बंधामधील शिथीलता गमवावी लागेल. हे टाळायचे असल्यास योग्य सामाजिक अंतर पाळावे, गर्दी टाळावी, लक्षणे जाणवल्यास तातडीने चाचणी करून घ्यावी, संबंधित यंत्रणांनीही कोविड पॉझिटिव्हिटी दर आटोक्यात ठेवण्यासाठी आवश्यक त्या सर्व उपाययोजना काटेकोरपणे कराव्यात, असे स्पष्ट निर्देश जिल्हाधिकारी डॉ. अभिजीत चौधरी यांनी दिले आहेत. वाचा: दरम्यान, राज्यात कोविड पॉझिटिव्हिटी दर आणि ऑक्सिजन बेड्सची उपलब्धता याचा दर आठवड्याला आढावा घेऊन त्यानुसार जिल्हा वा महापालिका क्षेत्रासाठी स्तर निश्चित करण्यात येत आहे व त्याआधारे निर्बंध शिथील वा कडक करण्यात येत आहेत. यात स्थानिक परिस्थिती लक्षात घेऊन योग्यतो निर्णय घेण्याची मुभा प्रशासनाला देण्यात आलेली आहे. म्हणजेच निर्बंधांबाबतचा अधिकार स्थानिक आपत्ती व्यवस्थापनाला देण्यात आलेला आहे. आज मुख्यमंत्री उद्धव ठाकरे यांनी रुग्णवाढ होत असलेल्या सात जिल्ह्यांच्या जिल्हाधिकाऱ्यांशी संवाद साधला. त्या बैठकीतही ही बाब अधोरेखित करण्यात आली आहे. निर्बंध शिथील करण्याचा निर्णय घाईत घेऊ नका. एकदंर स्थिती लक्षात घेऊन योग्य तो निर्णय घ्या, असे मुख्यमंत्र्यांनी सांगितले आहे. या सगळ्या पार्श्वभूमीवर सांगलीत पुन्हा निर्बंध कडक होण्याची शक्यता बळावत चालली आहे. वाचा: