Nanded : पोलीस असल्याचे सांगून त्यांना दुचाकीवर घेऊन गेला; निर्जन ठिकाणी नेले अन्

April 09, 2021 Marathi 0 Comments

नांदेड: जिल्ह्यातील येथे एका चोरट्याने पोलीस असल्याचे सांगून एका व्यक्तीकडील अडीच तोळ्यांचा सोन्याचा हार लांबवला. ही घटना सीसीटीव्ही कॅमेऱ्यात कैद झाली आहे. या प्रकरणी देगलूर पोलिसांत चोरट्याविरोधात गुन्हा नोंदवण्यात आला आहे. देगलूर येथे काल, गुरुवारी तोतया पोलीस बनून चोरट्याने अडीच तोळ्यांच्या सोन्याचा हार लांबवला. हा सर्व प्रकार सीसीटीव्हीत कैद झाला आहे. भरदिवसा घडलेल्या या घटनेने परिसरात खळबळ माजली आहे. मिळालेल्या माहितीनुसार, तेलंगण राज्यातील बसवंत सोमावार यांनी काल दुपारी मुलाचे लग्न असल्याने देगलूर येथून सव्वा लाख रुपये किंमतीचा अडीच तोळ्यांचा पोहेहार एका सराफा व्यापाऱ्याकडून विकत घेतला. त्यानंतर ते घराकडे परतत होते. तोतया पोलिसाने सोमावार यांना अडवले. लॉकडाउन आहे, कुठे फिरताहेत. तोंडाला मास्क नाही, आधार कार्ड दाखवा अशी चौकशी केली. घाबरलेल्या सोमावार यांनी सोन्याचा दागिना घेण्यासाठी आलो होतो, असे सांगितले. त्यावेळी तू खोटे बोलत आहेस असे सांगून तोतया पोलिसाने त्यांना पोलीस ठाण्यात चल असे सांगून दुचाकीवर बसवून नेले. त्याला निर्जन ठिकाणी नेले आणि सोमावार यांच्याकडील सोन्याचा पोहेहार घेऊन पसार झाला. या प्रकरणी देगलूर पोलिसांत अज्ञात चोरट्याविरोधात गुन्हा दाखल करण्यात आला आहे.