मुख्यमंत्री उद्धव ठाकरेंनी घेतला करोनावरील लसीचा दुसरा डोस

April 08, 2021 Marathi 0 Comments

मुंबईः राज्याचे यांनी आज करोना लशीचा दुसरा डोस घेतला आहे. मुंबईतील जे. जे रुग्णालयात जाऊन मुख्यमंत्र्यांनी लसीकरण करुन घेतलं आहे. ११ मार्च रोजी मुख्यमंत्री उद्धव ठाकरेंनी करोनावरील लशीचा पहिला डोस घेतला होता. त्यानंतर आज गुरुवारी त्यांनी दुसरा डोस घेतला आहे. मुख्यमंत्री कार्यालयानं मुख्यमंत्र्यांचा लशीचा डोस घेतानाचा फोटो ट्वीट करत ही माहिती दिली आहे. आज सकाळी ११. ३० च्या सुमारास मुख्यमंत्र्यांनी लसीचा दुसरा डोस घेतला आहे. दरम्यान, मुख्यमंत्री उद्धव ठाकरे यांच्या पत्नी रश्मी ठाकरे यांना करोनाचा संसर्ग झाला असून त्यांच्यावर रुग्णालयात उपचार सुरु आहेत. तर, आदित्य ठाकरे यांचीही करोनाची चाचणी पॉझिटिव्ह आल्यानंतर ते होम क्वारंटाइन असून घरीच उपचार घेत आहेत. नरेंद्र मोदी यांनी घेतली करोनावरील लस आज पंतप्रधान नरेंद्र मोदी यांनीही करोनावरील लशीचा दुसरा डोस घेतला आहे. आज मी एम्समध्ये कोविड १९ लसीकरणाचा दुसरा डोस घेतला. करोनाला हरवण्यासाठी आपल्याकडे उपलब्ध असलेल्या उपायांपैकी एक उपाय लसीकरणाचा आहे. तुम्ही लस घेण्यायोग्य असाल तर लवकर लस घ्यावी, असं नरेंद्र मोदी यांनी आवाहन केलं आहे. शरद पवारांनीही घेतली लस राष्ट्रवादी काँग्रेसचे अध्यक्ष शरद पवार यांनी बुधवारी करोना लशीचा दुसरा डोस घेतला. पवार यांनी रुग्णालयात न जाता मुंबईतील सिल्व्हर ओक या आपल्या निवासस्थानी हा डोस घेतला. पवार यांच्या सिल्व्हर ओक या निवासस्थानी हे लसीकरण करण्यात आल्याचा व्हिडिओ बुधवारी प्रसारित झाला. यात कायम विविध पक्षांच्या नेत्यांसोबत दिसणारे वैद्यकीय शिक्षण संचालनालयाचे संचालक डॉ. तात्याराव लहाने हेही दिसत आहेत. तसेच, सुप्रिया सुळे यांनी ट्वीट करूनही तात्याराव लहाने यांचे आभार मानले.