...म्हणून कॉर्पोरेट रुग्णालयांत करोना लसीकरण बंद

March 04, 2021 Marathi 0 Comments

म. टा. विशेष प्रतिनिधी, मुंबई कॉर्पोरेट रुग्णालयांना लसीकरणाची संमती ही केवळ त्या रुग्णालयांमध्ये काम करणाऱ्या आरोग्यकर्मचाऱ्यांचे लसीकरण व्हावे यासाठीच दिली होती. या रुग्णालयांत केवळ त्यांच्या आरोग्यकर्मचाऱ्यांचेच लसीकरण करण्यात येईल, असेही स्पष्ट करण्यात आले होते. त्यामुळे हे लसीकरण आता थांबवण्यात आले आहे, अशी माहिती महापालिकेच्या कार्यकारी आरोग्य अधिकारी डॉ. मंगला गोमारे यांनी बुधवारी दिली. लसीकरणाची प्रक्रिया १६ जानेवारीला सुरू झाली, तेव्हा पालिकेने कोणत्या केंद्रांमध्ये लसीकरण होणार हे स्पष्ट केले होते. खासगी रुग्णालयांच्या आग्रहास्तव काही रुग्णालयांना लसीकरणाची संमती देण्यात आली होती. मात्र, याठिकाणी केवळ त्यांच्या आरोग्यकर्मचाऱ्यांचेच लसीकरण करण्यात येईल, असेही स्पष्ट करण्यात आले होते. हे लसीकरण आता थांबवण्यात आले आहे. मुंबईतील इतर २९ खासगी रुग्णालयांप्रमाणे या ठिकाणीही लसीकरणाची सुविधा सुरू हवी होती, असा एक मतप्रवाह वैद्यकीय क्षेत्रामध्ये आहे. मात्र, या रुग्णालयांना देण्यात आलेली संमती ही केवळ त्यांच्या आरोग्यकर्मचाऱ्यांपुरतीच मर्यादीत होती. त्यामुळे इतर ठिकाणांहून खासगी रुग्णालयांकडे होणारी विचारणा वाढत असली, तरी संमती नसल्यामुळे सर्वसामान्यांना हे लसीकरण उपलब्ध झाले नाही. महापालिकेच्या कार्यकारी आरोग्य अधिकारी डॉ. मंगला गोमारे यांच्याकडे पहिल्या टप्प्यात संमती दिलेल्या कॉर्पोरेट रुग्णालयांमध्ये लसीकरणाची प्रक्रिया का थांबवण्यात आली, अशी विचारणा करण्यात आली असता, त्यांनी ही संमती केवळ त्या रुग्णालयामध्ये काम करणाऱ्या आरोग्यकर्मचाऱ्यांचे लसीकरण व्हावे यासाठी दिली होती. सरकारने १ तारखेला पाठवलेल्या निर्देशांमध्ये यापुढील खासगी रुग्णालयातील लसीकरण हे सशुल्क असेल, असे स्पष्ट केले आहे. त्यामुळे येथील आरोग्यकर्मचाऱ्यांनाही त्यासाठी पैसे मोजावे लागणार होते. ज्या रुग्णालयांनी संबधित कर्मचाऱ्यांसाठी लसीकरणाचा टप्पा पूर्ण केला होता, त्यांना थांबवण्याचे निर्देश देण्यात आले आहे.