राज ठाकरे नाणार प्रकल्पाच्या बाजूने; स्थानिक म्हणतात...

March 08, 2021 Marathi 0 Comments

म. टा. विशेष प्रतिनिधी, मुंबई नाणार रिफायनरीला स्थानिक दलाल, गुजराती-मारवाडी गुंतवणूकदार, मुंबई, बांद्रा-बीकेसीसारख्या डायमंड मार्केटमधील भाजपप्रणित व्यापारी यांचे समर्थन असून नाणार कंपनीचे अधिकारी या समर्थनाला आर्थिक पाठबळ पुरवत आहेत. मनसेचे प्रमुख यांनी जनतेचा प्रकल्पाला किती विरोध आहे हे पहिले आहे. त्यावेळी त्यांनी प्रकल्पाला विरोध करून आंदोलनाला पाठिंबाही दर्शविला होता. रिफायनरीच्या कार्यालयाचे खळ्-खट्याकही मनसेने केले. त्यामुळे त्यांनी मुख्यमंत्र्यांना केलेला पत्रव्यवहार हा आम्हाला धक्कादायक वाटत आहे, अशी प्रतिक्रिया कोकण रिफायनरी प्रकल्प विरोधी संघर्ष संघटनेचे अध्यक्ष अशोक वालम यांनी व्यक्त केली. ((Raj Thackeray's Stand On ) वाचा: महाराष्ट्र नवनिर्माण सेनेचे अध्यक्ष राज ठाकरे यांनी मुख्यमंत्री यांना नाणार परिसरात पुन्हा रिफायनरी आणण्याबाबत पत्र लिहिले आहे. 'महाराष्ट्राने ‘ राजापूर रिफायनरी’सारखा सुमारे तीन लाख कोटी रुपयांचा प्रकल्प हातातून गमावू नये. हे महाराष्ट्राला आज परवडणारं नाही, असं त्यांनी पत्रात म्हटलं आहे. त्यावर वालम यांनी आपली भूमिका मांडली आहे. नाणार प्रकल्पाला जनतेचा किती विरोध आहे हे राज ठाकरेंनी स्वतःच्या डोळ्यांनी पहिले आहे. त्यावेळी त्यांनी प्रकल्पाला विरोध करून आंदोलनाला पाठिंबाही दर्शविला होता. मनसे पदाधिकारी आंदोलनात सहभागी झाले होते. त्यामुळेच आता त्यांनी मुख्यमंत्र्यांना केलेला पत्रव्यवहार हा आम्हाला धक्कादायक वाटत आहे, असे वालम यांनी सांगितले. वाचा: स्थानिक ग्रामस्थ व कोकणवासीयांनी दोन वर्षे सातत्याने संघर्ष केला म्हणून रिफायनरी रद्द करावी लागली. मुख्यमंत्री उद्धव ठाकरे साहेब तेव्हाही आणि आत्ताही रिफायनरी विरोधात ठाम आहेत. त्यांनी तर 'कोकणची राख करून गुजरातेत रांगोळी घालायला देणार नाही', असेही वक्तव्य केले होते. आताही मुख्यमंत्री नाणार परिसरात रिफायनरी आणण्याच्या विरोधात ठाम असल्याने आम्ही रिफायनरीचा विषय सोडून दिला आहे. मात्र घडामोडींवर बारीक नजर ठेवून आहोत. सतर्क आहोत, असे वालम यांनी सांगितले. 'प्रक्रिया उद्योग आणावेत' करोडो रुपयांची गुंतवणूक वाया जाईल, या भीतीने हे समर्थक सर्व पक्षांचे उंबरठे झिजवत आहेत. मात्र सामान्य कोकणी माणूस आपले गाव, आपली जमीन जागा, असलेली देव-देवस्थान, निसर्ग अबाधित राहावा, यावर ठाम आहे. संपूर्ण कोकणात कुणबी व बहुजन जोडो अभियानात आता अनेक सभा होत आहेत. कोकणवासीयांचे संघटन बळकट होत आहे. या सर्वात कोकणात रिफायनरीसारखे प्रदूषणकारी प्रकल्प नकोच, यावर सर्वांचे एकमत आहे. राजकीय पक्ष-नेत्यांना जर कोकणाचा विकासच करायचा असेल तर स्थानिक उत्पादन आंबा, काजू, फणस, नारळ, कोकम, नाचणी, कुळीथ, बांबू आदींवर प्रक्रिया उद्योग आणण्यासाठी मदत करावी, अशी मागणी त्यांनी केली. 'भूमिका संशयास्पद' कंपनी, दलाल, गुंतवणूकदार यांच्या फायद्यासाठी जर कुणी प्रकल्पाची मागणी करत असेल तर ते कोकणी जनतेला चांगलेच समजते. माजी विधानसभा अध्यक्ष नाना पटोले यांनी जमीन घोटाळ्यांची चौकशी लावली होती ती आता पूर्ण होत असतानाच, अशी समर्थनाची भूमिका संशयास्पद वाटत आहे. आमचे कोकण वाचवण्यासाठी आम्ही आमच्या जीवाचीही पर्वा केली नाही व यापुढेही करणार नाही, असा इशारा त्यांनी दिला. वाचा: