उद्धव ठाकरे यांनी अद्याप लस का घेतली नाही?; चर्चेला उधाण
म. टा.विशेष प्रतिनिधी, मुंबई देशभरात १ मार्चपासून सर्वसामान्यांसाठी सुरू झाल्यानंतर पहिल्याच दिवशी पंतप्रधान नरेंद्र मोदींसह अनेक मंत्र्यांनी करोनाची लस घेतली. ओडिशाचे मुख्यमंत्री नवीन पटनायक तसेच बिहारचे मुख्यमंत्री नितीश कुमार यांनीदेखील करोनाची लस टोचून घेतली असली तरी महाराष्ट्राचे मुख्यमंत्री यांनी मात्र अद्याप लस घेतलेली नाही. अर्थसंकल्पीय अधिवेशन संपल्यानंतर डॉक्टरांच्या सल्ल्याने लस घेण्याबाबत ठरविल्याचे कळते. वाचा: सर्वसामान्यांनसाठी लस घ्यायला परवानगी मिळाल्यानंतर केंद्रातील तसेच राज्यातील मंत्री, विविध पक्षांचे राजकीय पुढारी मोठ्या प्रमाणावर लस घेताना दिसत आहेत. महाराष्ट्रातही राष्ट्रवादी काँग्रेसचे अध्यक्ष शरद पवार यांनी लस घेतली. राज्याचे मुख्यमंत्री उद्धव ठाकरे यांनी मात्र अद्याप लस घेतलेली नसून त्याविषयी चर्चाही सुरू झाली आहे. याबाबत अधिक माहिती घेतली असता अधिवेशन संपल्यानंतर डॉक्टरांच्या सल्ल्याने उद्धव ठाकरे लस घेणार असल्याचे समजते. ठाकरे यांच्या हृदयावर शस्त्रक्रिया झाली असल्याने अधिवेशन संपल्यानंतर ते डॉक्टरांच्या सल्ल्याने करोनाची लस घेणार असल्याचे समजते. वाचा:
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
0 Comments: