कुमठेकर रस्त्यावर राज्य शिक्षण परिषदेच्या कार्यालयात आग

March 30, 2021 Marathi 0 Comments

म.टा. प्रतिनिधी, पुणे रस्त्यावरील राज्य शिक्षण संशोधन परिषदेच्या कार्यालयातील आवारात ठेवलेल्या टाकाऊ फर्निचरला मंगळवारी दुपारी आग लागली. आगीत टाकाऊ फर्निचर जळाले असून अग्निशमन दलाच्या जवानांनी तत्काळ घटनास्थळी धाव घेऊन आग आटोक्यात आणली. शॉर्ट सर्किटमुळे आग लागल्याची माहिती अग्निशमन दलाकडून देण्यात आली. ( on ) कुमठेकर रस्त्यावर राज्य शिक्षण संशोधन परिषदेचे कार्यालय आहे. तीन मजली इमारतीच्या आवारात तळमजल्यावर लाकडी फर्निचर, जुनी कपाटे ठेवण्यात आली आहेत. दुपारी पावणेदोनच्या सुमारास अचानक फर्निचरने पेट घेतला आणि मोठ्या प्रमाणावर धूर झाला. या घटनेची माहिती त्वरीत अग्निशमन दलाला देण्यात आली. क्लिक करा आणि वाचा- अग्निशमन दलाच्या कसबा पेठ आणि एरंडवणे केंद्रातील दोन गाड्या, टँकर घटनास्थळी दाखल झाले. अग्निशमन दलाच्या कसबा केंद्रातील अधिकारी सुनील नाईकनवरे यांच्या मार्गदर्शनाखाली तांडेल राजेंद्र पायगुडे, ढमाले, सुरेश पवार, अरगडे, पाण्याचा मारा करून दहा मिनिटात आग आटोक्यात आणण्यात आली. तळमजल्यावर स्वच्छतागृहाशेजारी मोठ्या प्रमाणावर टाकाऊ फर्निचर, लोखंडी कपाटे ठेवण्यात आली होती. त्या ठिकाणी शॉर्ट सर्किट होऊन आग लागली, अशी माहिती अग्निशमन अधिकारी नाईकनवरे यांनी दिली. क्लिक करा आणि वाचा- क्लिक करा आणि वाचा-