'या' कंपनीत होणार लॉकडाऊननंतरचा पहिला संप

February 08, 2021 Marathi 0 Comments

अहमदनगर: नगरच्या एमआयडीसीतील इंडियन सीमलेस कंपनीच्या तिन्ही युनिटमधील कामगारांनी दहा फेब्रुवारीपासून संपावर जाण्याचा इशारा दिला आहे. दोन वर्षांपूर्वीचा वेतन करार संपला असला तरी कंपनीने पुढील करार केला नसल्याने कामगार संघटनेने हा पवित्रा घेतला आहे. लॉकडाऊननंतर कामगारांचा होणारा हा पहिलाच संप ठरणार आहे. (First After Lockdown in ) वाचा: नगरमध्ये या कंपनीची तीन युनिट आहेत. तेथील कामगारांची सभा नगर जिल्हा मजदूर सेनेचे अध्यक्ष अध्यक्ष बाबुशेठ टायरवाले यांच्या अध्यक्षतेखाली झाली. त्यामध्ये कंपनीला ७२ तसांची नोटीस देण्यात आली आहे. मागण्या मान्य झाल्या नाहीत, तर त्यानंतर बेमुदत संपावर जाण्याचा इशारा देण्यात आला आहे. संघटनेचे सचिव वसंत सिंग यांनी सांगितले की, कंपनी व्यवस्थापन दोन वर्षांपासून करार करतो म्हणत आहे, मात्र नवीन करार करत नाही. मागील वर्षी जानेवारी महिन्यात चार हजार रुपये वेतन वाढ देऊ, असे आश्वासन दिले होते. आता मात्र व्यवस्थापन मधली दोन वर्षे सोडून एप्रिल २०२१ पासून वाढ करू असे तोंडी सांगत आहे, त्यामुळे संपाचा निर्णय घेतला आहे. अध्यक्ष टायरवाले यांनी सांगितले, की, करोनाच्या काळात प्रत्येक कामगाराने कंपनीवा पंचवीस हजार रुपयांची मदत दिली आहे. कामगारांनीच कंपनीला मदत देण्याचे असे कोठेही झालेले नाही. मात्र, आमच्या कामगारांनी अडचणीच्या काळात कंपनीला माणुसकीच्या नात्याने मदत केली. असे असूनही रखडलेला करार करण्यास कंपनी टाळाटाळ करीत आहे. करोनानंतर कंपनीची स्थिती आता सुधारली आहे. तरीही करार केले जात नाहीत. कंपनी बंद व्हावी, असे आम्हालाही वाटत नाही. वाचा: सचिव वसंतसिंग यांनी सांगितले की, करोना काळात संचारबंदी असताना पोलिसांच्या लाठ्या खात कामगार कामावर येत होते. मधल्या काळात चीनहून येणारा कच्चा येण्याची अडचण आली. यातून मार्ग काढण्यासाठी कंपनीला कामगारांनी सहकार्य केले. आता कंपनीचा स्थिती सुधारल्याने आम्ही आमचे हक्क मागत आहोत. मात्र, ते मिळत नसल्याने कामगारांमध्ये असंतोष आहे. व्यवस्थापन आमच्याशी चर्चा करते आणि पोलिसांशीही संपर्क ठेवून आहे. त्यामुळे आम्हीही प्रशासनाला आमची बाजू सांगितली असून करार झाले नाहीत, तर संप अटळ आहे.