काँग्रेसला उपमुख्यमंत्रीपद?; राष्ट्रवादीची प्रतिक्रिया समोर

February 04, 2021 Marathi 0 Comments

पुणेः राज्यात सत्तेत असलेल्या महाविकास आघाडीत पुन्हा एकदा खाते वाटप करण्यात येणार असल्याच्या चर्चांनी जोर धरला आहे. काँग्रेसला उपमुख्यमंत्रीपद तर शिवसेनेला विधानसभा अध्यक्षपद मिळणार असल्याचं बोलल जात असताना राष्ट्रवादी काँग्रेसची नेते छदन भुजबळ यांनी या सर्व प्रकरणावर प्रतिक्रिया दिली आहे. राज्यात विधानसभा निवडणुकांच्या निकालांनंतर शिवसेनेनं भाजपसोबत युती तोडत काँग्रेस, राष्ट्रवादीसोबत सत्ता स्थापन केली. राज्यात महाविकास आघाडीची सत्ता स्थापन झाल्यानंतर उद्धव ठाकरे मुख्यमंत्रीपदी विराजमान झाले. तर, राष्ट्रवादी काँग्रेसचे अजित पवारांनी उपमुख्यमंत्रीपदाची शपथ घेतली. त्यानंतर एक वर्षांनंतर महाविकास आघाडीत बदलाचे वारे वाहू लागले आहेत, अशा चर्चांना उधाण आलं आहे. दरम्यान, राष्ट्रवादीचे नेते यांनी या चर्चा फेटाळून लावल्या आहेत. वाचाः कॉंग्रेसला उपमुख्यमंत्रीपद आणि शिवसेनेकडे विधानसभेचे अध्यक्षपद याबाबत सध्या फक्त चर्चाच आहेत. असं त्यांनी स्पष्ट केलं आहे. महाविकास आघाडीतील या बदलासाठी शिवसेना अनुकुल आहे का? या प्रश्नावर त्यांनी या सगळ्या फक्त चर्चाच आहेत. चर्चा जोपर्यंत संपत नाही त्यामुळं कोण अनुकुल आणि प्रतिकुल ते कसं कळणार, असं उत्तर दिलं आहे. वाचाः राज्यपाल म्हणाले ते योग्य कविता राऊतबाबत राज्यपाल म्हणाले ते योग्य आहे. कविता राऊत यांना काही कागदपत्रांची पुर्तता करायची होती ते त्या करतायत, असं भुजबळांनी म्हटलं आहे. मुनगंटीवार पक्षात येणार का? काही दिवसांपूर्वी भाजपचे नेते सुधीर मुनगंटीवार यांनी मुख्यमंत्री उद्धव ठाकरे यांची भेट घेतली होती. त्यांच्या या भेटीवरुन अनेक तर्क-वितर्क लढवले जात असतानाच भुजबळांनी यावर मिश्किल प्रतिक्रिया दिली आहे. मुख्यमंत्री राज्याचे आहेत. त्यांना कोणीही भेटू शकतं. फडणवीसही भेटू शकतात. मुनगंटीवारांना विचारा ते पक्षात येणार का, असं मिश्लिक टोला त्यांनी लगावला आहे. वाचाः