म्हणून आताच लस घेणार नाही; पवारांनी सांगितले 'हे' कारण

January 24, 2021 Marathi 0 Comments

म.टा. प्रतिनिधी, अहमदनगर करोनावरील लसीसंबंधी (Corona Vaccine) सध्या वेगवेगळ्या चर्चा सुरू आहेत. पहिल्या टप्प्यात ही लस करोनायोद्धयांना देण्यात येत आहे. तरीही ती घेणे न घेणे यावरून चर्चा सुरू आहेत. राष्ट्रवादीचे ज्येष्ठ नेते (Sharad Pawar) यांनीही आपण आताच ही लस घेणार नसल्याचे सांगितले. त्यामागील कारणही त्यांनी स्पष्ट केले आहे. करोनाच्या स्थितीचा आढावा घेताना एक किस्सा सांगत त्यांनी लोकांना मात्र काळजी घेण्याचे आवाहन केले आहे. नगरमधील खासगी हॉस्पिटलच्या उद्घाटनासाठी पवार आले होते. त्यावेळी बोलताना त्यांनी करोनासंबंधी भाष्य केले. पूर्वीची स्थिती सांगताना आता परिस्थिती सुधारत असल्याची नगर जिल्ह्याची आकडेवारीही त्यांनी भाषणात सांगितले. ( tells the reason why he is not willing to have now) लशीबद्दल ते म्हणाले, ‘करोनावरील लस उत्पादित करणाऱ्या पुण्यातील सिरम इन्स्टय्युटचे मालक सायरस पुनावाला माझे वर्ग मित्र आहेत. सहा महिन्यांपूर्वी मी तेथे गेलो होतो. त्यावेळी त्यांनी मला तू जास्त फिरत असतोस, तेव्हा प्रतिकार शक्ती वाढविणारी लस घे, असे म्हणत मला बीसीजीची लस दिली होती. नुकतीच या कंपनीच्या दुसऱ्या एका युनिटला आग लागली होती. त्याची पाहणी करण्यासाठी मी गेलो होतो. तेव्हा पुनावाला यांनी मला टोचून घेण्याचा अग्रह केला. मात्र, मी म्हणलो आता मी नगरला निघालो आहे. तेथे दोन खासगी हॉस्पिटलची उद्घाटने आहेत. तेथे जाऊन परिस्थितीचा आढावा घेतो. परिस्थिती गंभीर वाटली तर मुंबईला न जाता पुण्यात येऊन लस टोचून घेतो. मात्र, आज येथे आपण आढावा घेतला तर बरे होण्याचे प्रमाण खूपच चांगले आहे. परिस्थिती सुधारत असल्याचे एकूण चित्र दिसत आहे. त्यामुळे आता मी पुण्याला लस घेण्यासाठी न जाता सरळ मुंबईला जातो.’ क्लिक करा आणि वाचा- लॉकडाऊन आणि पूर्वीच्या परिस्थितीबद्दलही त्यांनी भाष्य केले, ते म्हणाले.’ करोनासाठी लॉकडाउन करण्यात आला. त्यामुळे अर्थव्यवस्थेचे मोठे नुकसान झाले. पंतप्रधान सांगतात दो गज की दुरी ठेवा. मात्र, प्रत्यक्षात ते होत नाही. करोनाच्या काळात सर्वांत प्रथम मी बाहेर पडलो. लोक अडचणीत असताना घरात बसणे मला पटले नाही. त्यामुळे राज्यभर फिरून लोकांना दिलासा दिला. आता करोनाची स्थिती बऱ्यापैकी सुधारली आहे. तरीही लोकांनी काळजी घेण्याची गरज आहे. थोडी परिस्थिती बदलली की आपण आपल्या कामाला लागतो. मात्र, हे संकट भयाण आहे. जगाला याची मोठी किंमत मोजावी लागली आहे. काही देशांत पुन्हा लॉकडाऊन करावे लागत आहे. भारतीयांची प्रतिकारशक्ती चांगली असल्याचे सांगण्यात येते. त्यामुळे आपल्या कमी त्रास होतो. मात्र, तेवढ्यावर समाधान मानले तर मोठे संकट येऊ शकते.’ क्लिक करा आणि वाचा- क्लिक करा आणि वाचा-