ईडीच्या कार्यालयाबाहेर शिवसैनिक; पोलिसांनी सुरक्षा वाढवली

January 04, 2021 Marathi 0 Comments

मुंबईः शिवसेना नेते यांच्या पत्नी आज चौकशीसाठी सक्तवसुली संचालनालयाच्या कार्यालयात हजर झाल्या आहेत. ईडी कार्यालयाबाहेर हळूहळू शिवसैनिकांनीही गर्दी करायला सुरुवात केली आहे. दरम्यान, मुंबई पोलिसांनी ईडी कार्यालयाबाहेर मोठा पोलिस बंदोबस्त तैनात केला असून शिवसैनिकांना १४९ अंतर्गंत जमावबंदीची नोटिस देण्यात आली आहे. पीएमसी बँकेतील कथित घोटाळ्याप्रकरणी वर्षा राऊत यांनी ईडीकडून नोटिस बजावण्यात आली आहे. ईडीने पहिली नोटीस बजावल्यानंतर वर्षा राऊत यांच्याकडून ५ जानेवारीपर्यंत मुदत मागण्यात आली होती. ही मुदत देताना ईडीने ५ जानेवारी रोजी हजर राहण्यासाठी वर्षा राऊत यांना समन्स बजावले होते. मात्र, एकदिवस आधीच ईडी कार्यालयात वर्षा राऊत यांनी उपस्थित राहून सगळ्यांनाच धक्का दिला आहे. गेल्या दोन तासांहून अधिक काळ वर्षा राऊतांची चौकशी सुरु आहेत. वर्षा राऊत यांची चौकशी सुरु असतानाच शिवसैनिकांनी ईडी कार्यालयाबाहेर जमण्यास सुरुवात केली आहे. दरम्यान गेल्या काही दिवसांपासून वर्षा राऊत चौकशीसाठी ईडी कार्यालयात जात असताना शिवसेनेकडून शक्ती प्रदर्शन करणार असल्याची चर्चा होती. वर्षा राऊत यांच्यासोबतच शिवसैनिकही ईडी कार्यालयात जाणार असल्याचं बोललं होतं. मात्र, संजय राऊत यांनी शिवसेना कोणत्याही शक्ती प्रदर्शन करणार नसल्याचं स्पष्ट केलं होतं. मात्र, तरीही ईडी कार्यालयाच्या बाहेर काही प्रमाणात शिवसैनिक जमा झाले आहेत.